ხორცის მოყვარულებმა კარგად იციან, რომ მდიდარი გემოს, კვებითი ღირებულებისა და მრავალფეროვანი რეცეპტების მიუხედავად, ხორცის ბევრ სახეობას ჯანმრთელობაზე საზიანო გავლენა აქვს. ქოლესტერინის მაღალმა შემცველობამ და იმ ფაქტმა, რომ ზოგიერთი ცხოველის ხორცი ძნელად მოსანელებელია, შესაძლოა მომნელებელ სისტემაზე ცუდად იმოქმედოს ან გულსისხლძარღვთა პრობლემების მქონე ადამიანებს შეუქმნას პრობლემა.

თუმცა, არსებობს ხორცის შედარებით ჯანსაღი სახეობები, რომლებიც, შესაძლოა, თქვენი კვების რაციონის განუყოფელ ნაწილად იქცეს და არც ჯანმრთელობაზე დარდმა დაგაკარგინოთ მადა. ინდაურის ხორცი სწორედ ამგვარია — მარტივად მოსანელებელი, დაბალი ცხიმიანობით გამორჩეული პროდუქტი და თანაც, საოცრად გემრიელი.

ამ სტატიაში ინდაურის ხორცის სასარგებლო თვისებების შესახებ წაიკითხავთ.

ინდაურის ხორცი ცილებით მდიდარია და ნაკლებად ცხიმიანი

ინდაურის ხორცი დაბალი ცხიმიანობით და ცილების სიმდიდრით გამოირჩევა. ამიტომ, თუ თქვენც თვლით, რომ ნაკლებად ცხიმიანი საკვები ორგანიზმისთვის ბევრად უკეთესია, დროა, ინდაურის ხორცი გასინჯოთ. ინდაურის ხორცში შემავალი ცილები ყველა მნიშვნელოვანი ამინომჟავის წყაროა. თუმცა, უნდა გაითვალისწინოთ, რომ ცილების მაღალი შემცველობის და დაბალი ცხიმიანობის გამო, ხორცი სწრაფად მზადდება და შეიძლება მალე გამოგიშრეთ, ამიტომ მომზადებისას აუცილებლად ყურადღებით უნდა იყოთ.

ინდაურის ხორცი B ვიტამინისა და მინერალების კარგი წყაროა

ინდაურის ხორცი B ჯგუფის ვიტამინების შეუცვლელი წყაროა, მასში მრავლადაა B3, B6 და B12 ვიტამინები, რაც ენერგიის შევსებისთვის, გონებრივი აქტივობისთვისა და სისხლის წითელი უჯრედების ფორმირებისთვის უმნიშვნელოვანესია.

ინდაურის ხორცი სელენიუმით, ფოსფორითა და რკინით მდიდარი პროდუქტია და ამიტომ ორგანიზმის გაჯანსაღების, იმუნიტეტის, ძვლებისა და ენერგიისთვის შესანიშნავი წყაროა. ხოლო, ინდაურის მუქი ხორცი, როგორიც ბარკალია, რკინით არის მდიდარი.

ინდაურის ხორცი გულსისხლძარღვთა დაავადებების განვითარების რისკს ამცირებს

ინდაურის ხორცის ყველა ჩამოთვლილი მახასიათებელი — ვიტამინები და დაბალი ცხიმიანობა ჯანმრთელობაზე სასარგებლო გავლენით გამოირჩევა. აღსანიშნავია ისიც, რომ წითელი ხორცის ჩანაცვლება კარდიოვასკულარული დაავადებების რისკს 19%-ით ამცირებს.

ინდაურის ხორცის გემოვნურ თვისებებს დაკონსერვებისასაც არ კარგავს

მაღალი ცხიმიანობით გამორჩეული ხორცისგან განსხვავებით, ინდაურის ხორცი ბევრად უკეთ ინახება და გემოვნურ თვისებებს გაყინვის, დაკონსერვების შემდეგაც არ კარგავს. თეთრი, ნაკლებად ცხიმიანი ხორცი ბევრად უკეთ ინახება, ამიტომ ინდაურის ხორცის გემო და არომატი ხელმისაწვდომ ფასად, ქილაში შენახულიც კი შეიძლება შენარჩუნდეს.

მაღალი ხარისხისა და გემოვნური თვისებებით გამორჩეული ინდაურის ხორცის ქილის გასინჯვა საქართველოშიც შეგიძლიათ. 100% ინდაურის ხორცის ქილები Henry's Kitchen-ისგან უკვე ხელმისაწვდომია მაღაზიათა ქსელებში.

ჰენრის ქიჩენის თინუსის პროდუქტები საქართველოში 2015 წლიდან იყიდება, მის ასორტიმენტს კი ინდაურის ხორცის 4 სახეობაც დაემატა. მოთუშული ინდაურის ხორცით, ინდაურის მკერდით ზეითუნის ზეთში, ინდაურის პაშტეტითა და შემწვარი ინდაურის ხორცით მარტივ, ჯანსაღ და გემრიელ კერძებს მოამზადებთ და იგი თქვენი რაციონის განუყოფელ ნაწილად პირველივე გასინჯვის შემდეგ იქცევა.