ნიკა მელია

11 Aug. 2022, 22:06

დღეს უსამშობლო, კოლაბორაციონისტების პარტიამ — რუსულმა ოცნებამ განცხადება გამოაქვეყნა და რუსი ოლიგარქის მიზნები გაახმოვანა.

ეს წერილი წარმოადგენს ბიძინა ივანიშვილის შეუნიღბავ ანტიამერიკულ, ანტიდასავლურ და საქართველოს ეროვნული ინტერესების ღიად ღალატის მანიფესტს.

რუსული ოცნება და პირადად ივანიშვილი კიდევ უფრო აღრმავებს ღია დაპირისპირებას ამერიკის შეერთებულ შტატებთან.

ოლიგარქი სტრატეგიულ პარტნიორთან შედის იმგვარ დაპირისპირების სპირალში, რაც მათი ღრმა რწმენით, ჩვენს მეგობრებს ხელს ააღებინებს საქართველოს მხარდაჭერაზე და გადავიქცევით რუსეთის ჩამორჩენილ გუბერნიად.

რუსულ ოცნებას ავიწყდება ერთი რამ, ამერიკის შეერთებული შტატები ერთმანეთისგან კარგად მიჯნავს სტრატეგიულ პარტნიორ ქვეყნას და მის ხალხს და ამ ქვეყანაში ხელისუფლებაში მყოფ პარტიასა თუ ცალკეულ პიროვნებებს.

ყოველი თავდასხმა ამერიკის შეერთებულ შტატებზე რეალურად არის რუსეთისკენ გადადგმული ნაბიჯი და საქართველოს ეროვნული ინტერესების ღალატი!

რუსი ოლიგარქი ბიძინა ივანიშვილი უკვე გახსნილად ეწევა რუსულ თამაშს. აქამდე ის შენიღბულად მოქმედებდა და სწორედ ამ შენიღბული მოქმედების შედეგია ის, რომ მას ბოლო დრომდე ჰყავდა მხარდამჭერები, რომლებსაც უნდათ თავისუფალი სამყაროს წევრობა, ანუ ევროკავშირი და ნატო!

დღეს მთელმა ქართულმა საზოგადოებამ კარგად უნდა გავიაზროთ, რომ ივანიშვილის მმართველობა და დასავლეთისკენ სწრაფვა სრულიად შეუთავსებელია.
ივანიშვილი საქართველოს უკეტავს ევროპის კარს!

რაც შეეხება რუსული ოცნების შიშებს, მათი რეჟიმის შეცვლასთან დაკავშირებით. გვესმის რომ შიშს დიდი თვალები აქვს, მაგრამ ასე ძალიან შორსაც, ოკეანის გაღმა ნუ იყურებიან. შეუძლებელია, რომ ჩვენს ამერიკელ და ევროპელ პარტნიორებს არ აღელვებდეთ, ვინ არის და ვინ იქნება საქართველოს ხელისუფლებაში, რადგან მათი სტრატეგიული ინტერესია საქართველო გახდეს ერთიანი, ძლიერი, დემოკრატიული, მდიდარი და უსაფრთხო სახელმწიფო.

პირველ რიგში, მართლა ვისიც უნდა ეშინოდეს რუსულ ოცნებას ეს არის ქართველი ხალხი.
ვინც თქვენ აუცილებლად დაგამარცხებთ ეს არის ქართველი ხალხი.

ვინც მიტაცებულ ხელისუფლებას ჩამოგართმევთ ესეც იქნება სწორედ ქართველი ხალხი.


კომენტარები

კვირის ტოპ-5

  1. ტესტი: რა იცი ხვიჩა კვარაცხელიაზე
  2. ქალი დეპუტატები თეა წულუკიანს სოლიდარობას უცხადებენ
  3. კრემლმა დაასახელა, რა არის მათი "გეგმა მინიმუმი" ე.წ. რეფერენდუმების შემდეგ
  4. მოსკოვში ომის საწინააღმდეგო ლექსის წაკითხვის გამო პოეტი დააკავეს, სცემეს და გააუპატიურეს
  5. მარიუპოლის მცველები ტყვეობამდე და შემდეგ

გირჩევთ

ახლა კითხულობენ

გადახედვა

დიდი რაოდენობით ნახშირორჟანგი ხეების სწრაფ ზრდას განაპირობებს — როგორ გვიცავს ტყე

ატმოსფეროში დიდი რაოდენობით ნახშირორჟანგის ემისია კლიმატის ცვლილებას უწყობს ხელს, ოჰაიოს უნივერსიტეტში მომუშავე…