გახსოვთ, ბავშვობაში ზაფხულში როგორ ერთობოდით? ან ის თუ გახსოვთ, უფროსები როგორ ცდილობდნენ თქვენს გამხიარულებას?

რატომღაც, მგონია, რომ ერთიც კარგად შემორჩა თქვენს მეხსიერებას და მეორეც. ბავშვობაში თავს გადახდენილი თავგადასავლები ხომ არასდროს გვავიწყდება.

თუმცა, ვაღიაროთ, რომ ზაფხული ბავშვებისთვის ადვილად შეიძლება მომაბეზრებელ სეზონადაც იქცეს — ენერგიით და ცნობისმოყვარეობით სავსე პატარებს მუდმივად სჭირდებათ რაღაც, რაც მათ ყურადღებას მთლიანად მიიქცევს და დროის შეგრძნებას დააკარგვინებს. ამიტომ, საბავშვო გასართობის შერჩევა ზაფხულში განსაკუთრებულ სიფრთხილეს მოითხოვს. ფერადი და მიმზიდველი ილუსტრაციები, საინტერესო დავალებები, საყვარელი გმირები — თავშესაქცევს არაფერი უნდა აკლდეს, პატარის ყურადღება რომ დაიპყროს. თამაშით სწავლას ხომ არაფერი სჯობს.

სწორედ ამიტომ, სულაკაურის გამომცემლობის ერთ-ერთი პრიორიტეტი საბავშვო წიგნებისა და რესურსების სერიებია. გამომცემლობამ წლების განმავლობაში ერთგულ პატარა მკითხველს უამრავი საინტერესო სერია შესთავაზა. ამ სტატიაში მათგან რამდენიმე გამორჩეულს შემოგთავაზებთ, რათა თქვენი ბავშვებისთვის საზაფხულო საკითხავისა და გასართობის შერჩევაში დაგეხმაროთ.

1. ჩემი პირველი წიგნი

ფოტო: სულაკაურის გამომცემლობა

ვახსენეთ კიდეც, რომ პატარების ცნობისმოყვარეობის დაკმაყოფილება მარტივი ამბავი არაა. მასზე საპასუხოდ სერია ჩემი პირველი წიგნი შეგიძლიათ გამოიყენოთ. ეს სერია ორ ასაკობრივ კატეგორიას მოიცავს — 9 თვიდან და 18 თვიდან. პირველ შემთხვევაში თითო გვერდზე თითო ფოტოს შეხვდებით, მეორე კატეგორიის ერთ გვერდზე კი 2-3 ფოტოა მოთავსებული. ფერადი და ცოცხალი სურათების დახმარებით პატარა ადვილად აითვისებს ახალ სიტყვებს და უკეთ გაიცნობს სამყაროს.

2. იპოვე ნახატები — ისწავლე სიტყვები

ფოტო: სულაკაურის გამომცემლობა

ბავშვები გამუდმებით სვამენ კითხვებს, რომლებიც არცთუ იშვიათად უფროსებს აბნევს ხოლმე. ყველაზე ხშირად ალბათ კითხვა "რა არის" ისმის. აი, ამ შემთხვევაში ძალიან დაგეხმარებათ სერია იპოვე ნახატები — ისწავლე სიტყვები. ეს ერთგვარი ლექსიკონები 12 თვის ასაკიდან შეგიძლიათ პატარებს შესთავაზოთ. სერია მოიცავს წიგნებს პირველ სიტყვებზე, ფერებზე, სოფელზე, ცხოველებზე და სხვა.

3. ვიკითხოთ ერთად

ფოტო: სულაკაურის გამომცემლობა

როცა ნახატებიანი და ფოტოსურათებიანი "ლექსიკონების" დახმარებით პატარები საკმარის სიტყვას ისწავლიან, უკვე თავისუფლად შეძლებენ, კითხვის პროცესში ჩაერთონ. სერია ვიკითხოთ ერთად სწორედ ამისთვისაა — წიგნებში, რომლებიც 2 წლის ასაკიდან ბავშვებისთვისაა განკუთვნილი, ამბავი სიტყვებისა და ნახატების მეშვეობითაა მოთხრობილი. ტექსტები კი მოიცავს მხიარულ ამბებს, იგავ-არაკებს, ზღაპრებსა და სხვა სახალისო ისტორიებს. დავალება მარტივია — უფროსი კითხულობს სიტყვას, პატარა კი მას ნახატის "წაკითხვით" ეხმარება.

4. პატარა ამბები

ფოტო: სულაკაურის გამომცემლობა

კვლავაც უფროსების დახმარება დასჭირდებათ ბავშვებს, პატარა ამბების სერიას რომ გაეცნონ. თუმცა, ეს სერია გამორჩეულად საინტერესო და უხვად ილუსტრირებულ ამბებს უყრის თავს. ორიდან ექვს წლამდე პატარებისთვის განკუთვნილი წიგნები მსოფლიოში ცნობილი საბავშვო ავტორების შექმნილია. მაგალითად, სწორედ პატარა ამბების სერიით გაიცნობენ ბავშვები ყველასთვის ცნობილ დათუნია პადინგტონს და ონავარ თაგუნა ტოპო-ტიპს. ეს გმირები კი მათ აუცილებლად შეაყვარებენ წიგნებსაც და კითხვასაც.

5. დახატე და წაშალე

ფოტო: სულაკაურის გამომცემლობა

რა სჯობს, როცა შეგიძლია, წიგნის ერთ-ერთ ავტორად იქცე? მეტიც — მისი ილუსტრაციების დასრულებაში მიიღო მონაწილეობა. დახატე და წაშალე კიდევ ერთი საინტერესო დანიშნულების სერიაა, რომელიც 3 წლის ასაკიდან ბავშვებისთვისაა განკუთვნილი. სხვადასხვა თემატიკის — წელიწადის დროების, ცხოველების, ლაბირინთების — წიგნები მოიცავს ნახატებს, რომლებიც პატარებმა უნდა დაასრულონ. ამისთვის წიგნს მოჰყვება ჯადოსნური კალამიც, რომელიც ადვილად იშლება; ამდენად, ბავშვები მის გამოყენებას მრავალჯერადად შეძლებენ. გარდა ამისა, დახატე და წაშალე პატარებს მრავალ შესაძლებლობას უვითარებს, მათ შორის მოტორულ უნარებს, ლოგიკურ აზროვნებასა და კალმის სწორად ჭერას.

6. დაწერე და წაშალე

ფოტო: სულაკაურის გამომცემლობა

დაწერე და წაშალე წინა სერიის მსგავს წიგნებს აერთიანებს, მაგრამ შედარებით მოზრდილი, სკოლის დაწყებითი საფეხურის მოსწავლე ბავშვებისთვისაა განკუთვნილი. სწორედ ამიტომ, წიგნების თემატიკა უფრო მრავალფეროვანია და მოიცავს სკოლაში შესასწავლი საგნების სავარჯიშოებს. მაგალითად, აქ არის წიგნი მათემატიკაზე, ქართულ ენაზე, ინგლისურ ანბანზე, გამრავლების ტაბულაზე და სხვა. მრავალფეროვანი სავარჯიშოების საშუალებით ბავშვები შეიძენენ ახალ უნარებს და განიმტკიცებენ შესწავლილ მასალას. ამ სერიის წიგნებსაც ასევე მოჰყვება ჯადოსნური კალამი.

7. ლოტოები სერიიდან ჩემი სკოლა

ფოტო: სულაკაურის გამომცემლობა

კვლავაც დაწყებითი საფეხურის მოსწავლეებისთვისაა განკუთვნილი სერია ჩემი სკოლა, რომელიც მრავალფეროვან საგანმანათლებლო რესურსებს აერთიანებს. სხვადასხვა ფორმატისა და დანიშნულების თამაშებითა თუ ფერადი მასალებით ბავშვები ადვილად შეითვისებენ საჭირო ცოდნას.

ამ სერიის გამორჩეული რესურსია ლოტო. მოზრდილი ყუთები მოიცავს წიგნებს, ინსტრუქციებს, დაფებსა და შესაბამის ბარათებს. თამაში ჯგუფურადაა შესაძლებელი. მაგალითად, ლოტო ნახატი და სიტყვა გოგებაშვილის დედა ენის მიხედვით შეიქმნა; ის მოიცავს სიტყვების დაჯგუფების, სიტყვის მინიშნებით პოვნის, მარცვლების სავარჯიშოებს და სხვა. ამავე ასაკობრივი კატეგორიისთვის — პირველი ან მეორე კლასი მოსწავლეებისთვის — არის ლოტო რიცხვები და შეკრება-გამოკლებაც. მესამე და მეოთხეკლასელებისთვის კი ასევე არის ლოტო ჩვენი ბუნება.


ამ წიგნებმა და რესურსებმა მშობლების, აღმზრდელებისა და მასწავლებლების დადებითი გამოხმაურება უკვე დაიმსახურა. მათ წარმატებაზე მეტყველებს ისიც, რომ სერიების დიდი ნაწილი ბესტსელერია.

ამ ყველაფრის შეძენას კი, რა თქმა უნდა, სულაკაურის გამომცემლობის ვებსაიტსა და წიგნის მაღაზიებში შეძლებთ.