ინგა ქარდავა ბრიტანეთის პრემიერმინისტრის გადადგომას გამოეხმაურა და ჯონსონი "მეორე ფრონტის" "გახსნის შემოქმედად" მოიხსენია. მისი აზრით, ღარიბაშვილი ჯონსონთან "ჩავიდა და მიაჩმორა, არ აკმარა და კიდევაც გადააყენა".

რატომ არის მნიშვნელოვანი: ქარდავამ დასავლეთი, კონკრეტულად კი ბორის ჯონსონი, პრორუსული ნარატივით "ომში ჩათრევაში" დაადანაშაულა.

  • ფოტო, რომელიც საკრებულოს წევრმა გამოაქვეყნა 29 ივნისს მადრიდშია გადაღებული, როდესაც ირაკლი ღარიბაშვილი ბორის ჯონსონს შეხვდა და მისთვის "ხელსაყრელ დროს" საქართველოში მოიწვია.

ქარდავამ On.ge-ს განუცხადა, რომ ეს მისი სოციალური ქსელია და რასაც უნდა იმას დადებს.

  • "ომის პარტიის ტელევიზიას არ დაველაპარაკები ნამდვილად" — გვითხრა საკრებულოს წევრმა.

ბორის ჯონსონი თანამდებობას ტოვებს. მან გაიზიარა პარლამენტის სურვილი, პარტიის ახალი ლიდერისა და შესაბამისად, ახალი პრემიერმინისტრის არჩევის შესახებ.

  • ჯონსონის თქმით, ახალი ლიდერის არჩევის პროცესი დღეიდან უნდა დაიწყოს, ხოლო თარიღი მომდევნო კვირას დასახელდეს, რის შემდეგაც ის ოფიციალურად წავა.