ტელეკომპანიის ინფორმაციით, ძალადობრივი ჯგუფის სამმა წევრმა ჟურნალისტებს პროფესიული საქმიანობის დროს, ფიზიკური და სიტყიერი შეურაცხყოფა მიაყენეს და აპარატურის დამტვრევა სცადეს.

რატომ არის მნიშვნელოვანი: ბოლო წლებში ჟურნალისტურ საქმიანობაში ხელშეშლისა და ფიზიკური ძალადობის არაერთი შემთხვევა დაფიქსირდა.

  • არასამთავრობო და მედიის საკითხებზე მომუშავე ორგანიზაციები ხშირად საუბრობენ იმაზე, რომ ხელისუფლების რიტორიკა მედიაზე ძალადობას ახალისებს.

დეტალები: ტელეკომპანიის განცხადებით, ინციდენტი დღეს, 5 ივლისს ქარელის მუნიციპალიტეტში მოხდა.

  • მედიაში ამბობენ, რომ თავდასხმაში ძალადობრივი და პრორუსული ალტ-ინფოს წევრები და მხარდამჭერები მონაწილეობდნენ.
  • მათივე ცნობით, მოძალადე ჯგუფი მედიის წარმომადგენლებს პასუხს იმის გამოც სთხოვდა, რომ ტელევიზიას დასავლური კურსი აქვს აღებული და მათი მხრიდან გავრცელებულ დეზინფორმაციას ეწინააღმდეგება.
  • "ევროპის მომხრეები ხართ? კიდა ყველას დედას შევე*ით, ვისაც ამერიკა და ევროპა უნდა. ყველას დედას შევე*ით, ვინც ტრაკის მიცემით ცდილობს ევროპაში შესვლას — ბო*ები ხართ", — უთხრეს მოძალადეებმა TV მონიტორინგის გადამღებ ჯგუფს.
  • On.ge დამატებითი დეტალის გასარკვევად შსს-სა და სპეციალურ საგამოძიებო სამსახურს დაუკავშირდა. პასუხს მიღებისთანავე შემოგთავაზებთ.
  • სპეციალურმა საგამოძიებო სამსახურმა ჟურნალისტურ საქმიანობაში უკანონოდ ხელისშეშლის ფაქტზე გამოძიება სისხლის სამართლის კოდექსის 154-ე მუხლის პირველი ნაწილით დაიწყო.

კონტექსტი: ზუსტად ერთი წლის წინ, 5 ივლისს რუსთაველის გამზირზე, სადაც ღირსების მარში იყო დაგეგმილი, პრორუსულმა ძალადობრივმა ჯგუფებმა და სასულიერო პირებმა დააორგანიზეს ძალადობა — აქტივისტების ოფისები დაარბიეს, ფიზიკურად გაუსწორდნენ 50-ზე მეტ ჟურნალიტს.

  • ამ დროისთვის, დაზარალებულად ცნობილია 53 პირი, სისხლისსამართლებრივი დევნა კი 27 პირის მიმართ დაიწყო.
  • ნაცემი ოპერატორი, ლექსო ლაშქარავა 11 ივლისს გარდაიცვალა.
    მძიმე დანაშაულის ჩადენიდან ერთი წლის თავზე, დანაშაულის ორგანიზატორები არ დასჯილან და ახალ კანონსაწინააღმდეგო ქმედებებში მონაწილეობენ.
  • იმ პირებს, რომლებსაც ბრალი ჰქონდათ წაყენებული, მინიმალური სანქციები შეეფარდათ.