ინფორმაციას Tbilisi Praide-ის დირექტორი, მარიამ კვარაცხელია ავრცელებს.

რატომ არის მნიშვნელოვანი: 5 ივლისს რუსთაველის გამზირზე, სადაც ღირსების მარში იყო დაგეგმილი, ძალადობრივმა ჯგუფებმა აქტივისტების ოფისები დაარბიეს, იძალადეს 50 ჟურნალისტზე.

  • ნაცემი ოპერატორი, ლექსო ლაშქარავა 11 ივლისს გარდაიცვალა.
  • ამ დრომდე არ დასჯილან ჰომოფობიური ჯგუფის ლიდერები, რომლებიც ღიად აანონსებდნენ ძალადობას Tbilisi Pride-ის აქტივისტებისა და რუსთაველზე შეკრებილების წინააღმდეგ.
  • დაუსჯელობის სინდრომი კიდევ უფრო ახალისებს ძალადობას.

დეტალები: კვარაცხელია წერს, რომ ბრალდებულებს დევნისა და ორგანიზებული დანაშაულის მუხლი მოეხსნათ.

  • მისი თქმით, სასამართლომ ორი დამამძიმებელი გარემოებით, ჯგუფურად და ძალადობის მუქარით მხოლოდ ბინაში უნებართვოდ შესვლის მუხლი დატოვა.
  • "სასამართლო გადაწყვეტილების გამოცხადებისას არ გაჟღერებულა 53 პრიმა, რაც სიძულვილით მოტივირებულ დანაშაულს გულისხმობს".
  • On.ge დამატებითი დეტალების მიღებას საქალაქო სასამართლოსგან ელოდება.