NDI-ის კვლევის მიხედვით, არაქართულენოვანი არხების მაყურებელთა 33 პროცენტი რუსეთის პირველ არხს - ო-ერ-ტეს (ОРТ-ს) უყურებს. სულ გამოკითხულთა 21 პროცენტი უყურებს პოლიტიკისა და მიმდინარე მოვლენების შესახებ ინფორმაციას არაქართულენოვან არხებზე, რაც იმას ნიშნავს, რომ ყველა გამოკითხულთაგან თითქმის 7 პროცენტი იღებს ინფორმაციას ო-ერ-ტე-დან.

არაქართულენოვანი არხების სამეულში მხოლოდ რუსულენოვანი არხები მოხვდა. კვლევამ აჩვენა, რომ ОРТ-ზე შედარებით ნაკლები ადამიანი, არაქართულენოვანი არხების მაყურებელთა 31 პროცენტი, ერ-ტე-ერ-ს უყურებს. სამეულში მოხვდა რასია 1-ც (22%).

მაყურებელთა ერთი და იგივე წილი ჰყავს CNN-სა და რასია 24-ს (14-14%). არაქართულენოვანი არხების მაყურებელთა 10 პროცენტი, ან მეტი უყურებს რენ TV-სა და Euronews-ს, სხვა არხებს კი უფრო დაბალი მაჩვენებელი აქვს.

კითხვაზე პასუხი არ გასცა არაქართულენოვანი არხების მაყურებელთა 1-მა პროცენტმა, "არ ვიცი" კი, უპასუხა 3-მა.

ფოტო: ფოტო პრეზენტაციიდან

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.