სუბარი: ზოგჯერ დგება საკითხი, როცა მეტი უნდა უთხრა ხალხს

28 Jun. 2022, 23:17

რთული პერიოდი დგას დღეს ჩვენს რეგიონში, ზოგადად, და საქართველოც ამ რეგიონის ნაწილია. მოგისმენიათ არაერთი განცხადება, რომლითაც პირდაპირ გვთხოვდნენ ომში ჩართვას, იყო ამის პირდაპირი მცდელობები, იყო არაპირდაპირი მცდელობებიც. ერთადერთი, რასაც შეუძლია, ჩვენ ეს საფრთხე აგვაცილოს თავიდან, ეს არის ხალხის მხარდაჭერა და განწყობა. ხალხმა უნდა იცოდეს სიმართლე.

ერთი მხრივ, დგას ომში ჩართვის საფრთხე, მეორე მხრივ, ქვეყნისთვის უმნიშვნელოვანესი გადაწყვეტილების კარიბჭესთან ვდგავართ — ეს არის ევროკავშირის გაწევრიანების შესაძლებლობა. მაგრამ, თუკი ახდა იმათი განწყობა, ვისაც უნდა ომში ჩართვა, მაშინ ყველაფერი დაგვრჩება განზე. ამიტომაც, ჩვენ ხალხს უნდა ვუთხრათ უფრო მეტი სიმართლე, ვიდრე ამის საშუალებას იძლევა, როცა ხარ მმართველი გუნდის წევრი. [...]

რამდენად გაუგებარი იყო, თუ გასაგები, გაიგებთ ამ დღეებში, როცა განცხადებებს გავაკეთებთ. საზოგადოებამდე ინფორმაცია მიდის, მაგრამ, როცა ხარ მმართველ გუნდში, ბუნებრივია, გაქვს გარკვეული შეზღუდვები. მათ შორის, ინფორმაციები, რომლებიც ღიად არ ითქმის, რომლებიც კულუარებში ხდება. ზოგჯერ უბრალოდ დგება საკითხი, როდესაც ქვეყნის ინტერესებიდან გამომდინარე, უფრო მეტი უნდა უთხრა ხალხს და მმართველი გუნდის პოზიციიდან გამომდინარე, ამის თქმა არ გამოდიოდა, იძულებული ხარ ანგარიში გაუწიო მეგობრებს, იძულებული ხარ ანგარიში გაუწიო თანამებრძოლებს.

ბოლო ამბები:

სოზარ სუბარი სუბარი: ზოგჯერ დგება საკითხი, როცა მეტი უნდა უთხრა ხალხს

კომენტარები

კვირის ტოპ-5

გირჩევთ

ახლა კითხულობენ

"რეზოლუციის უდიდესი ნაწილი გონივრული შეფასების ფარგლებს სცდება" — ლევან მახაშვილი ეუთოს რეზოლუციაზე