ფერმერი დიმიტრი ბანკანაშვილი წლებია, აგრომეურნეობას მისდევს და შიდა ქართლში მარცვლოვანი კულტურები და სხვადასხვა სახეობის ხილი მოჰყავს. ის ამბობს, რომ ბუნებასთან დიდმა ბაბუამ დააახლოვა და სოფლის მეურნეობისადმი ინტერესიც მანვე გაუღვივა. "ფეხი, ფაქტობრივად, მის გაშენებულ ბაღში ავიდგი", — ამბობს დიმიტრი და იხსენებს, რომ ჯერ კიდევ 80-90-იან წლებში მისი დიდი ბაბუა ცდილობდა, რომ აგრომეურნეობაში პრობლემების თანამედროვე გადაწყვეტებისთვის მიეგნო.

მაშინ, როდესაც დიმიტრიმ თავად მიჰყო ხელი აგრომეურნეობას, უკვე კარგად იცოდა, რამხელა მნიშვნელობა აქვს ფეხი აუწყო ცვლილებებს და რამდენად მარტივია, რომ გამოწვევები თანამედროვე ტექნოლოგიების დახმარებით დაძლიო. მან სწორედ ამიტომ გადაწყვიტა აგროსფეროსთან თანამშრომლობა და საკუთარი საქმიანობის მასთან ერთად განვითარება.

დიმიტრი ბანკანაშვილი აგროსფეროს როლზე მისი მეურნეობის განვითარებაში და რჩევა თანამედროვე ფერმერებს

აგროსფერო სასოფლო-სამეურნეო პროდუქციისა და აგროტექნიკის უმსხვილესი დისტრიბუტორია. ის 18 წელზე მეტია პარტნიორ ფერმერებს თანამედროვე პროდუქციითა და ტექნოლოგიებით უზრუნველყოფს, ეხმარება მათ დანერგვაში და უწევს პროფესიულ კონსულტაციას.