ლუგანსკის ოლქის სამხედრო ადმინისტრაციის ხელმძღვანელის, სერგეი გაიდაის განცხადებით, რუსეთის არმიის აღებული ქალაქი სტრატეგიული მნიშვნელობისაა.

რატომ არის მნიშვნელოვანი: რუსეთის არმია სევეროდონეცკის ოკუპირებაზეა კონცენტრირებული, მის მიმდებარედ კი ნებისმიერი სტრატეგიული პუნქტის დაკარგვა უკრაინისთვის არახელსაყრელ პირობებს ქმნის.

  • ამჟამად ბრძოლები სევეროდონეცკისა და ლისიჩანსკის ბევრ სოფელში მიმდინარეობს.

ფოტო: Google map

დეტალები: გაიდაის ცნობით, რუსები ახლა სევეროდონეცკის ინდუსტრიულ ზონასა და ქალაქის გარეუბნებზე მუშაობენ. მისივე თქმით, იგივეა ტოშკივკასა და უსტინივკას რაიონებშიც.

  • ოლქის სამხედრო ადმინისტრაციის ხელმძღვანელი აცხადებს, რომ ოკუპანტებს სურთ, რომ აქ მიაღწიონ გარღვევას და ამ მიზნით მობილიზებულია დიდი რაოდენობით აღჭურვილობა.

კონტექსტი: სევეროდონეცკი დონბასის ცენტრშია და აღმოსავლეთ უკრაინის დიდი ინდუსტრიული რეგიონია. გასულ კვირას გაიდაიმ თქვა, რომ ამ ქალაქის დიდ ნაწილს რუსები აკონტროლებენ და სიტუაცია ისევ რთულია.

  • უკრაინის პრეზიდენტის განცხადებით, ამ ქალაქისთვის ბრძოლამ, შესაძლოა, აღმოსავლეთ უკრაინაში ომის შედეგი განსაზღვროს.