ევროპარლამენტმა მიიღო რეზოლუცია, რომელიც რეკომენდაციას უწევს, უკრაინისთვის ევროკავშირის წევრობის კანდიდატის სტატუსის მინიჭებას. რეზოლუციას მხარი 438-მა ევროპარლამენტარმა დაუჭირა, 65 წინააღმდეგი იყო, 94-მა კი თავი შეიკავა.

რეზოლუციაში ნახსენებია მოლდოვისა და საქართველოს ევროპული მისწრაფებებიც. გარდა ამისა, ევროპარლამენტმა რეკომენდაცია გაუწია იარაღის დაუყოვნებლივ მიწოდებას უკრაინის ხელისუფლების მიერ გამოხატული საჭიროებების შესაბამისად.

ევროპარლამენტის განცხადებით, ევროკავშირმა უნდა დააწესოს მეორადი სანქციები ორგანიზაციებსა და მესამე ქვეყნებზე, რომლებიც ეხმარებიან რუსეთს სანქციების არიდებაში.

რეზოლუციაში ნათქვამია, რომ 2008 წელს საქართველოს წინააღმდეგ რუსეთის აგრესიაზე და 2014 წელს უკრაინის წინააღმდეგ რუსეთის აგრესიაზე ადეკვატური პასუხის ნაკლებობამ შესაძლებლობა მისცა რუსეთს, გაეგრძელებინა აგრესიული სამხედრო და პოლიტიკური კამპანიები, მათ შორის უკრაინაში სრულმასშტაბიანი შეჭრა.