ცოტა ხნის წინ სასამართლომ ამბერ ჰერდის წინააღმდეგ ჯონი დეპის გახმაურებელ საქმეზე განაჩენი გამოიტანა. ნაფიც მსაჯულების განაჩენით, ჰერდმა ყოფილ ქმარს 2018 წელს გამოქვეყნებულ ოპ-ედში ცილი დასწამა. ამბავს ინტერნეტსივრცეში დიდი გამოხმაურება მოჰყვა, მათ შორის, ცნობილი სახეებისგან.

1. შერონ ოსბორნი

ფოტო: Rich Fury / Invision / AP

ცნობილი ტელევარსკვლავისთვის განაჩენი მოულოდნელი აღმოჩნდა.

"ამას ნამდვილად არ მოველოდი", — განაცხადა ოსბორნმა პირს მორგანთან საუბრისას, — "ჯონის გამარჯვება მინდოდა, მაგრამ არ ველოდი".

2. ეშლი ბენსონი

ფოტო: Getty Images

ამერიკელმა მსახიობმა და მოდელმა განაჩენის გამოტანიდან მალევე დეპის ფოტო ინსტაგრამზე გააზიარა, მოგვიანებით კი, ჯონის განცხადება "სთორიზეც" განათავსა.

3. ლორი ჰოლდენი

ფოტო: Getty Images

მსახიობი, რომელსაც მაყურებლები ყველაზე მეტად The Walking Dead-ში შესრულებული როლით იცნობენ, განაჩენს აღფრთოვანებული გამოეხმაურა.

"დღეს სამართალმა პური ჭამა", — დაწერა ჰოლდენმა ტვიტერზე, — "სასამართლოს განაჩენმა მთელ მსოფლიოს უთხრა, რომ ძალადობას სქესი არ აქვს და მხოლოდ ფაქტებს აქვთ მნიშვნელობა".

4. ტელეწამყვანი მეგან მაქკეინი

ფოტო: Getty Images

ამერიკელმა ტელესახემ ტვიტერზე განაცხადა, რომ "#MeToo კამპანია მკვდარია".

5. მსახიობი გრეგ ელისი

ფოტო: Disney

ელისმა, რომელმაც კარიბის ზღვის მეკობრეებში დეპთან ერთად ითამაშა, სოციალურ მედიაში ჯონის მხარდაჭერა გამოუცხადა და თავის პოსტს მეკობრის დროშის ემოჯიც დაურთო. მან დეპის განცხადებაც გააზიარა და ცალკე ტვიტში აღნიშნა, რომ "სამართალმა გაიმარჯვა".

6. ნაომი კემპბელი

ფოტო: Mike Marsland

კემპბელმა განაჩენის გამოტანის შემდეგ დეპის დადებულ პოსტზე გულის ემოჯიები დააკომენტარა. მოდელმა ამ საქმეზე წინათაც გააკეთა განცხადება, როცა სასამართლოს წინაშე მისი მეგობარი ქეით მოსი წარდგა და ამბერ ჰერდის განცხადების პასუხად აღნიშნა, რომ ჯონი დეპს იგი კიბიდან არასდროს დაუგორებია.

7. ემი შუმერი

ფოტო: Jordan Strauss / Invision

კომიკოსმა და მსახიობმა განაჩენის გამოტანიდან ერთ საათში ფემინისტი აქტივისტის გლორია სტაინემის ციტატა გააზიარა, რითაც, დიდი ალბათობით, სწორედ ჯონი დეპის გამარჯვებას და ამბავზე ხალხის რეაქციას გამოეხმაურა.

"ნებისმიერმა ქალმა, ვინც სრულყოფილი ადამიანივით მოქცევას გადაწყვეტს, უნდა იცოდეს, რომ სხვები მას ბინძური ხუმრობასავით მოეპყრობიან. ამიტომ, მას დების დახმარება დასჭირდება".

ასევე იხილეთ: