პირველ ივნისს სპაიდერმენის ვარსკვლავი ტომ ჰოლანდი 26 წლის გახდა. სხვებთან ერთად მსახიობს დაბადების დღე შეყვარებულმა ზენდეიამაც მიულოცა. ამ დღის აღსანიშნავად ზენდეიამ ინსტაგრამზე წყვილის საერთო ფოტო გამოაქვეყნა.

"ბედნიერ დაბადების დღეს ვუსურვებ მას, ვინც ყველაზე დიდ ბედნიერებას მანიჭებს", — წერს ზენდეია.

საზოგადოება დიდი ხანი ეჭვობდა, რომ სპაიდერმენის ვარსკვლავები — პიტერი და ემჯეი რეალურ ცხოვრებაშიც ერთად იყვნენ. საბოლოოდ ზენდეიამ და ტომმა გამოცემა GQ-სთან ინტერვიუში აღიარეს, რომ ერთმანეთს ხვდებიან და მათი ურთიერთობაც ოფიციალურად დაადასტურეს. ინტერვიუში წყვილმა თამამად განაცხადა, რომ ერთმანეთი ძალიან უყვართ და აქამდე სურდათ, მათი ურთიერთობებისთვის გარკვეული კონფიდენციალურობა შეენარჩუნებინათ.

მოგვიანებით ტომი და ზენდეია Spider-Man: No Way Home-ის პრემიერაზე წყვილის სტატუსით გამოჩნდნენ. ამის შემდეგ მათ შორის უამრავი გულისამაჩუყებელი მომენტის მომსწრენიც გავხდით.

ამავე თემაზე:

10 მტკიცებულება, რომ ზენდეია და ტომი ნამდვილი ემჯეი და პიტერ პარკერი არიან