რაც დედა, ის შვილიო.

ნიუ-იორკში გამართულ კრივის ჩემპიონატს მადონა 16 წლის ვაჟთან, დევიდ ბანდასთან ერთად დაესწრო და დედა-შვილის გამოჩენამ ამ სპორტული ღონისძიებისკენ მოდის მოყვარულების ყურადღება მიმართა.

დევიდ ბანდას ადიდასისა და გუჩის თანამშრომლობით შექმნილი წითელი კაბა ეცვა, რომელმაც ბევრს დედამისის, მადონას 1990-იანების ცნობილი კაბა მოაგონა.

ფოტო: CASSY ATHENA/GETTY

მადონას მსგავსი კაბა 1993 წელს ფილმის Sleepless in Seattle პრემიერაზე ეცვა.

ამ ფაქტს გუჩიც გამოეხმაურა ინსტაგრამზე გამოქვეყნებულ პოსტში, რომელშიც აღნიშნულია, რომ დიზაინერმა ალესანდრო მიკელემ სწორედ მადონას ორიგინალი კაბის შთაგონებით შექმნა ახალი დიზაინი.

"წარსული ხვდება აწმყოს" — ასე შეაფასა გუჩის სახლმა დედა-შვილის კაბებს შორის მსგავსება.

მადონა 1993 წელს.

ფოტო: ROBIN PLATZER/GETTY

დევიდ ბანდა მადონას ექვს შვილს შორის ერთ-ერთია. ის თავის ყოფილ ქმართან, გარი რიჩთან ერთად იშვილა 2006 წელს აფრიკის ქვეყანა მალავიდან: ბიოლოგიური დედა მშობიარობისას დაიღუპა, ბავშვი კი პნევმონიით და მალარიით იყო ავად.

2019 წელს ბრიტანულ Vogue-თან ინტერვიუში მადონამ განაცხადა, რომ მას ყველაზე მეტი საერთო სწორედ დევიდთან აქვს:

"ის ერთადერთია, ვისთანაც ყველაზე ბევრი საერთო მაქვს. ვგრძნობ, რომ კარგად მიგებს. ჩემს შვილებს შორის ის ყველაზე მეტად მგავს".

მადონამ ბანდასთან ერთად გატარებული საღამოდან ფოტოები ინსტაგრამის პირად გვერდზეც გამოაქვეყნა.

ასევე იხილეთ: