სულ რამდენიმე დღის წინ დასრულდა ვირჯინიის შტატში ჯონი დეპის სასამართლო განხილვები და ჰოლივუდის ეს ცნობილი მსახიობი მოულოდნელად ინგლისში გამართულ კონცერტზე გამოჩნდა.

მუსიკოსი ჯეფ ბექის კონცერტის სცენაზე კარიბის ზღვის მეკობრეების ვარსკვლავის გამოჩენა იმდენად მოულოდნელი იყო, რომ იქ დამსწრე მსმენელების დიდი ნაწილი გაოგნებული იყო.

თანაც დეპი გიტარით ხელში იყო და სცენაზე დაუკრა კიდეც:

მუსიკა ჯონი დეპისთვის უცხო სფერო არ არის: 2012 წელს მან ელის კუპერთან და ჯო პერისთან ერთად ბენდიც დააარსა, სახელწოდებით Hollywood Vampires.

ჯონი დეპისა და ამბერ ჰერდის სასამართლო პროცესი ექვსი კვირის განმავლობაში გრძელდებოდა და პირდაპირ ეთერში გადაიცემოდა, რის გამო პროცესის ყოველ ეპიზოდს მთელი მსოფლიო ადევნებდა თვალს და ბოლო პერიოდის ერთ-ერთ ყველაზე გახმაურებულ საქმედ იქცა.

ჯონი დეპი ყოფილ ცოლს, ამბერ ჰერდს ცილისწამებისთვის უჩივის და ზიანის ასანაზღაურებლად $50 მილიონს ითხოვს. ჰერდმა 2018 წელს The Washington Post-ში გამოაქვეყნა ოპ-ედი, სადაც განაცხადა, რომ ოჯახში ძალადობის მსხვერპლი იყო. ამბერს ტექსტში ყოფილი ქმრის სახელი არ უხსენებია, თუმცა დეპის სარჩელში აღნიშნულია, რომ ოპ-ედი სწორედ მას ეხებოდა, რის გამოც მისი კარიერა დაზიანდა და როლები დაკარგა.

მოწმეების დაკითხვა, ჩვენებების მიცემა და სასამართლო განხილვები ამჟამად დასრულებულია და ნაფიც მსაჯულებმა უნდა გამოიტანონ განჩენი, რომელსაც უახლოეს მომავალში გავიგებთ.

ასევე იხილეთ: