რუსი ოლიგარქი და საფეხბურთო კლუბ ჩელსის ყოფილი მფლობელი, რომან აბრამოვიჩი მის წინააღმდეგ დაწესებულ სანქციების ასაჩივრებს. რუსული მედიის, rbc-ის ცნობით, ევროკავშირის წინააღმდეგ აბრამოვიჩის საჩივარი სასამართლოში 25 მაისს დარეგისტრირდა.

მედია წერს, რომ ევროპული საბჭოს წინააღმდეგ საჩივარი არაერთმა სხვა რუსმა ბიზნესმენმაც შეიტანეს, მათ შორის, Alfa ბანკის თანამფლობელებმა, პეტრ ავენმა და მიხაილ ფრიდმანმა. მათი თქმით, ევროკავშირის გადაწყვეტილება უმიზეზოა და შეუძლია, გაუმართლებელი ზიანი მიაყენოს ბიზნესს.

ევროკავშირმა რუს ოლიგარქის სანქციები მარტში დაუწესა. მანამდე ცნობილი გახდა, რომ აბრამოვიჩმა საფეხბურთო კლუბი, ჩელსი გაყიდა. აბრამოვიჩი ბრიტანეთის მიერ დაწესებული სანქციების სიაშიც მოხვდა. მას აეკრძალა დიდი ბრიტანეთის ფიზიკურ პირებთან და ბიზნესებთან ტრანზაქციები, შეეზღუდა მოგზაურობა და გაეყინა აქტივები.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.