საფრანგეთში საპრეზიდენტო არჩევნების მეორე ტური მიმდინარეობს

საფრანგეთის მოსახლეობა დღეს, 7 მაისს, ახალ პრეზიდენტს აირჩევს, ახალგაზრდა ცენტრისტ ემანუელ მაკრონსა და ულტრა-მემარჯვენე მარინ ლე პენს შორის.

საარჩევნო უბნები ადგილობრივი დროით დილის რვა საათზე გაიხსნა და საღამოს შვიდ საათზე დაიხურება, ზოგიერთ დიდ ქალაქში კი ხმის მიცემა რვა საათამდე გაგრძელდება.

საფრანგეთის მოქალაქეები საპრეზიდენტო არჩევნებში ხმის მისაცემად რიგში დგანან. მონრეალი, კანადა.

ფოტო: REUTERS/Chris Wattie

არჩევნების მეორე ტურში მონაწილე კანდიდატებს მკვეთრად განსხვავებული შეხედულებები აქვთ საგარეო პოლიტიკის მიმართ. ლე პენის გამარჯვების შემთხვევაში, ის აპირებს რეფერენდუმის ჩატარებას, ქვეყნის მიერ ევროკავშირის წევრობის გადახედვის მიზნით. ლე პენისგან განსხვავებით, მაკრონი ემხრობა ევროკავშირის გაძლიერებას და მასში საფრანგეთის აქტიურ ჩართულობას. მაკრონი მოქმედი პრეზიდენტის, ფრანსუა ოლანდის მთავრობის ეკონომიკის მინისტრი იყო, თუმცა, საპრეზიდენტო კამპანიაში ჩართვის გამო, 2016 წლის აგვისტოში გადადგა.

ემანუელ მაკრონი, თავიდანვე აუტსაიდერად მიიჩნეოდა, თუმცა, ყველასთვის მოულოდნელად, ხმების რაოდენობით პირველ ადგილზე, სწორედ ის გავიდა.

23 აპრილის საპრეზიდენტო არჩევნების პირველი ტურის შედეგებით, ემანუელ მაკრონმა ხმების 23,9 პროცენტი მიიღო, რაც შეეხება მეორე ადგილზე გასულს კანდიდატს, 21,4 პროცენტი აიღო ულტრა-ნაციონალისტმა მარინ ლე პენმა.

ბოლო ამბები:

გირჩევთ