თიბისი ბანკისა და ბანკი რესპუბლიკის გაერთიანებასთან დაკავშირებით, 5 მაისს, 18:00 საათიდან, ბანკი რესპუბლიკის სერვისები ხელმისაწვდომი აღარ იქნება. რესპუბლიკიდან გამავალი გადარიცხვები შეჩერდება 5 მაისს, 16:00 საათიდან.

დღეს სრულდება ბარათების ჩანაცვლების პროცესებიც. თიბისი ბანკი ბანკი რესპუბლიკის მომხმარებლებს მოუწოდებს, 5 მაისს, 17:30 საათამდე, წაიღონ მათთვის უფასოდ დამზადებული თიბისი ბანკის ბარათები ფილიალებიდან, რადგან 5 მაისს, 23:00 საათის შემდეგ, ბანკი რესპუბლიკის ბარათები აღარ იქნება აქტიური.

თიბისი ბანკის რამდენიმე სერვისი, 6 და 7 მაისს, დროებით შეიზღუდება. არ იმუშავებს:

  • თიბისი ბანკის ფილიალები;
  • სერვის-ცენტრები;
  • ინტერნეტ და მობაილბანკი;
  • სწრაფი გადახდის აპარატები;
  • განვადების ობიექტები;
  • SMS სერვისი.

ხელმისაწვდომი იქნება:

  • საბარათე ოპერაციები ბანკომატებსა და პოს-ტერმინალებში;
  • ელექტრონული გადახდები;
  • სატელეფონო ცენტრი.

8 მაისიდან, თიბისი ბანკის ყველა სერვისი სრულად აღდგება, ბანკი რესპუბლიკის კლიენტები თიბისი ბანკის ბაზაში დაინტეგრირდებიან და შეუფერხებლად შეძლებენ მომსახურების მიღებას.

ანგარიშის ნაშთები ავტომატურად გადაინაცვლებს თიბისი ბანკში ახლად გახსნილ ანგარიშებზე.

დეტალური ინფორმაცია გაერთიანების შედეგად პროდუქტებსა და მომსახურებებში განხორციელებულ ცვლილებებზე იხილეთ ბმულზე.