რიანასა და A$AP Rocky-ს პირველი შვილი შეეძინათ

მომღერალი რიანა დედა გახდა და A$AP Rocky-სგან მას შვილი შეეძინა. წყვილს ჯერ არც ბავშვის სახელი და არც ფოტოები საზოგადოებისთვის არ გაუზიარებია.

რიანამ პირველად იანვარში გადაღებული ფოტოებით გაუმხილა საზოგადოებას, რომ ორსულად იყო. ამის შემდეგ კი სხვადასხვა ღონისძიებაზე იმ სტილის სამოსით გამოჩნდა, რომელიც მის ორსულობას ხაზს უსვამდა, რაც მომღერლის ბევრ თაყვანისმცემელს მოეწონა.

2020 წელს Vogue-თან ინტერვიუში რიანამ განაცხადა, რომ ცხოვრების შეცვლას სურს და შემდეგი 10 წლის განმავლობაში აპირებს, რომ სამი ან ოთხში შვილი ჰყავდეს. "ყველაზე მნიშვნელოვანი ბედნიერება მშობლისა და შვილის ჯანსაღი ურთიერთობაა. ერთადერთი ჭეშმარიტ გზა შვილის აღსაზრდელად, ეს მისი სიყვარულია", — განაცხადა რიანამ.

რიანამ და A$AP Rocky-მ მრავალწლიანი მეგობრობის შემდეგ სასიყვარულო ურთიერთობა 2020 წლის ნოემბერში დაიწყო. მანამდე კი რიანა მილიარდერ ჰასან ჯამილს ხვდებოდა, რომელსაც 2020 წლის იანვარში დაშორდა. 2020 წლის ივნისიდან კი რიანა უკვე A$AP Rocky-თან ერთად ბევრ ინტერვიუში გამოჩნდა და მათი ურთიერთობის შესახებ საუბარი სწორედ ამ პერიოდიდან დაიწყო.

გასული წლის მაისში A$AP Rocky-მ GQ-თან ინტერვიუში რიანას შესახებ ისაუბრა და მომღერალს "ცხოვრების სიყვარული" უწოდა. ხოლო ურთიერთობის შესახებ განაცხადა, რომ საუკეთესო განცდაა, როცა "ის ერთადერთი" უკვე ნაპოვნი გყავს. "ვფიქრობ, რომ საოცარი მამა ვიქნები", — განაცხადა რეპერმა და თან დასძინა, რომ ოჯახის შექმნისთვის მზად არის.