საუკუნეების განმავლობაში ქალები ორსულობას ჯერ დახურულ კარს მიღმა, მოგვიანებით კი ტანსაცმელში მალავდნენ. ხშირად ორსულებისთვის შექმნილი ტანსაცმლის ხაზის დანიშნულება მხოლოდ კომფორტული სამოსი კი არა, მუცლის დამალვა და ორსულებისთვის "შესაფერისი" და მოკრძალებული სტილის შერჩევაა. ქალები უარს ამბობენ მოკლე მაისურებზე, დაბალწელიან შარვლებზე ან ისეთ სამოსზე, რომელიც ორსულობამდე ეცვათ — არა იმიტომ, რომ აღარ მოსწონთ ან მათთვის არაკომფორტულია, არამედ იმიტომ, რომ საზოგადოებისთვის მიუღებელია.

მსგავსი განწყობის ფონზე მუსიკოსმა და სტილის სიმბოლოდ არაერთხელ აღიარებულმა რიანამ მსოფლიოს შეატყობინა, რომ შვილს ელოდებოდა. ქუჩაში პარტნიორთან ერთად გასულ რიანას ჯინსის შარვალი ეცვა და ვარდისფერ ქურთუკში სამკაულებით მორთული შიშველი მუცელი უჩანდა.

ექსტრავაგანტული სტილით გამორჩეულ რიანას ჩაცმულობა ორსულობის გამო არ შეუცვლია და მუცელს ყველა ღონისძიებაზე თუ უბრალოდ გარეთ გასვლისას თამამად აჩენდა. გამოცემა ვოგთან საუბრისას მუსიკოსმა აღნიშნა, რომ ამაყობს საკუთარი სხეულითა და მუცლით, რომლითაც შვილს ატარებს და იმედი აქვს, მსგავსი ჩაცმულობით შეცვლის საზოგადოებაში დამკვიდრებულ აზრს იმის შესახებ, თუ რისი ჩაცმა "შეეფერება" ორსულ ქალს:

"იმედი მაქვს, ხელახლა განვსაზღვრავთ იმას, თუ რისი ჩაცმა 'შეეფერებათ' ორსულ ქალებს. ჩემი სხეული საოცარ რაღაცებს აკეთებს და მისი არ შემრცხვება. ეს საზეიმო დროა. რატომ უნდა დავმალო, რომ ორსულად ვარ?" — განაცხადა რიანამ.

რიანას განცხადებამ და სტილმა საზოგადოების დიდი ნაწილის აღფრთოვანება გამოიწვია. უამრავმა ადამიანმა რიანა გამბედაობისა და სხვა ქალებისთვის მაგალითის მიცემისთვის შეაქო.

"ის წარმოდგენას გვიცვლის იმის შესახებ, თუ როგორი გარდერობი უნდა ჰქონდეს ორსულს. აქამდე მოკლე მაისურები, დაბალწელიანი ჯინსები და გამჭვირვალე ქსოვილი ორსულობის დროს არ ეცვათ", — ამბობს ორსულობასთან დაკავშირებული ვებ-გვერდის, Thebump.com-ის წარმომადგენელი.

მაშ ასე, გთავაზობთ 10 შემთხვევას, როცა რიანამ დაგვიმტკიცა, რომ ორსულობისასაც შეგიძლია ჩაიცვა ის, რაც გინდა:

1. ასე შეატყობინა რიანამ A$AP Rocky-ისთან ერთად მსოფლიოს, რომ შვილს ელოდება

2. რიანა დიორის ჩვენებაზე

3. მუსიკოსი ნებისმიერ ღონისძიებაზე ერთ-ერთი საუკეთესოდ ჩაცმული ადამიანია

4. Fenty-ის ღონისძიებაზე რიანა ნამდვილი ბრილიანტივით კაშკაშებდა

5. რიანა სტილზე, რომელიც მოსწონს, უარს არ ამბობს

6. ის საყვარელ სამოსს ჩვეულებრივ ირგებს

7. მუსიკოსი გულშემატკივრებს საკუთარი ჩაცმულობით იმედს არასდროს უცრუებს

8. რიანამ ვოგისთვისაც იპოზიორა

9. ყოველთვის ისე გამოიყურება, თითქოს პოდიუმზე მიეჩქარება

10. მუსიკოსი თამამად ანგრევს სტერეოტიპებს იმის შესახებ, თუ როგორ უნდა ეცვას ორსულს

ამავე თემაზე:

• 10 შემთხვევა, როცა რიანამ დაგვიმტკიცა, რომ მოდის უკონკურენტო სიმბოლოა
• 10 მტკიცებულება, რომ რიანა და A$AP Rocky ყველაზე გემოვნებიანი წყვილია
• მეთ გალას ორსული რიანა ვერა, მაგრამ მისი მარმარილოს ქანდაკება კი დაესწრო