ამერიკის შეერთებული შტატების ყოფილმა პრეზიდენტმა, ჯორჯ ბუშმა შეცდომით უკრაინის მაგივრად რუსეთის ერაყში შეჭრას სასტიკი და გაუმართლებელი უწოდა. ექსპრეზიდენტმა ეს კომენტარი დალასში გამართულ ღონისძიებაზე გააკეთა, როდესაც ის რუსეთის პოლიტიკურ სისტემას აკრიტიკებდა.

"შედეგი არის რუსეთში კონტროლისა და ბალანსის არარსებობა და ერთი ადამიანის გადაწყვეტილება — დაეწყო სრულიად გაუმართლებელი და სასტიკი შეჭრა ერაყში... ვგულისხმობ უკრაინას", — თქვა მან.

დარბაზში სიცილის შემდეგ, ბუშმა შეცდომა ხუმრობით ასაკს დააბრალა.

2003 წლის მარტში სატელევიზიო მიმართვაში ჯორჯ ბუშმა ამერიკელებსა და მსოფლიოს ერაყის ომის დაწყება ამცნო. კონფლიქტმა ასიათასობით ადამიანის სიცოცხლე შეიწირა.