პარლამენტის საგაზაფხულო სესიის პლენარულ სხდომაზე, რომელზეც მეორე მოსმენით განიხილავენ თამბაქოს კონტროლის შესახებ საკანონმდებლო ცვლილებების პაკეტს, ქართული ოცნების დეპუტატმა და კანონპროექტის ინიციატორმა გუგული მაღრაძემ განაცხადა, რომ 2018 წლამდე ნებისმიერი დაწესებულების მფლობელს აქვს უფლება და დრო, რომ სპეციალური სივრცე გააკეთოს მწეველებისთვის:

"ასე ხდება ცივილურ ქვეყნებში და ასეთი სივრცე ჩვენ დაშვებული გვაქვს აეროპორტებში".

გუგული მაღრაძის თქმით, მთავრობის დადგენილებაში იქნება გაწერილი, თუ რა ზომის უნდა იყოს ოთახი, რომელშიც მწეველები გავლენ.

"ჩვენი პრინციპული პოზიციაა, რომ როდესაც დავუშვებთ ამ სივრცეს, თამბაქოს კვამლს არ აქვს კარები, აი აქ ვინც მოწევს გვერდით და ვინც გაივლის და გამოივლის, ის კვამლი და ის მომწამლავი მაინც ახდენს გავლენას. როგორც კი დაუშვებ პატარა ხვრელს და ოფისში გამოყოფ ერთ ოთახს მოსაწევად, არ ეს კანონი იქნება ეფექტიანი. ამიტომ, ჩვენი პრინციპული პოზიციაა, დახურულ შენობებში აკრძალული იქნება მოწევა და გაძნებული იყოს თამბაქოს მისაწვდომობა".

გუგული მაღრაძე აცხადებს, რომ ასეთი გარემოს შექმნით, ისინი ხელს შეუწყობენ მწეველს, რომ თამბაქოს მოხმარების თავის დანებებაზე იფიქროს.

"ჩვენ გვინდა ადამიანებს სპეციალურადაც კი შევუქმნათ პირობები, რომ მათ თანდათანობით იფიქრონ სიგარეტის მოწევის თავის დანებებაზე".

გუგული მაღრაძის თქმით, ე.წ. სიგარა ბარები ლიცენზირებას დაექვემდებარებიან.