რუსული ძალები ხერსონიდან ევაკუაციას ხელს უშლიან. ხერსონის რაიონული საბჭოს თავმჯდომარის განცხადებით, ევაკუაციის მსურველ მოსახლეობას ოკუპანტები ავიწროებენ.

"ქალაქიდან გასვლა გართულდა. არის შემთხვევები, როდესაც ადამიანები გამოსვლას ახერხებენ, თუნდაც ავტობუსით, მაგრამ ადამიანების უმეტესობას უკან აბრუნებენ", — ციტირებს რაიონული საბჭოს თავმჯდომარეს CNN.

მისივე თქმით, არის შემთხვევები, როდესაც ოკუპანტები საგუშაგოებზე მოსახლეობას შეურაცხყოფას აყენებენ, კაცებს გაშიშვლებას აიძულებენ და მათ სხეულზე ეროვნულ და ნეონაცისტურ ტატუებს ეძებენ.

ხერსონი რუსეთის მიერაა ოკუპირებული. უკრაინული მხარის განცხადებით, ოკუპანტებს სურთ ის "რეფერენდუმი" ჩაატარონ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში