რუსეთის მთავარმა რაბინმა, ბერელ ლაზარმა საგარეო საქმეთა მინისტრის, სერგეი ლავროვის განცხადება ჰიტლერის ებრაულ სისხლთან დაკაშირებით გააკრიტიკა და თქვა რომ კარგი იქნებოდა თუ ის ბოდიშს მოიხდიდა.

"კარგი იქნებოდა, თუ ის [ლავროვი] ბოდიშს მოუხდიდა ებრაელებს და უბრალოდ აღიარებდა თავის შეცდომას", — თქვა ლაზარმა.

ლავროვმა განაცხადა, რომ ნაცისტ დიქტატორ ადოლფ ჰიტლერს "ებრაული სისხლი ჰქონდა", შესაბამისად ზელენსკის "ნაცისზმს" მისი ებრაული სისხლი არ ცვლის.

ამ განცხადების შემდეგ ისრაელის საგარეო საქმეთა სამინისტრომ რუსეთის ელჩი დაიბარა, ხოლო მინისტრმა განაცხადა, რომ ლავროვის განცხადება საშინელი ისტორიული შეცდომაა და მისგან ბოდიშს ელიან.