უკრაინის ვიცეპრემიერის, ირინა ვერეშჩუკის განცხადებით, აზოვსტალიდან ზაპოროჟიეში 156 ადამიანის ევაკუაცია განხორციელდა. მისივე თქმით, ქარხანაში კვლავ რჩებიან მოქალაქეები. მარიუპოლის მერმა, ვადიმ ბოიჩენკომ მადლობა გადაუხადა ევაკუაციის პროცესში ჩართულ ყველა წევრს.

"მადლობელი ვართ საევაკუაციო მისიის ყველა მონაწილის — გაერო, წითელი ჯვრი, საერთაშორისო კომიტეტი, ვერეშჩუკი. ჩვენი ერთობლივი ძალისხმევით, ჩვენ მოვახერხეთ მარიუპოლის მაცხოვრებლების გადარჩენა ამ ჯოჯოხეთისგან", — ამბობს მერი.

გაეროს კოორდინატორის განაცხადებით, ორგანიზაცია მზადაა, გაიმეოროს აზოვსტალიდან მშვიდობიანი მოსახლეობის ევაკუაციის ოპერაცია.

სამხედროები დანებებასა და იარაღის დაყრას არ აპირებენ. 20 აპრილს მარიუპოლის მცველებმა მსოფლიოს მოუწოდეს, აზოვსტალიდან გაიყვანონ მესამე ქვეყანაში ყველა, ვინც სამხედრო გარნიზონშია.

30 აპრილს კი მარიუპოლის მცველების მეთაურიმა თურქეთის პრეზიდენტ რეჯეფ თაიფ ერდოღანს ალყაში მყოფი აზოვსტალიდან მებრძოლებისა და სამოქალაქო პირების გაყვანა სთხოვა.