აზოვი აცხადებს, რომ გუშინ, 2 მაისს აზოვსტალზე კვლავ განხორციელდა თავდასხმა, რის შედეგადაც 2 მშვიდობიანი მოქალაქე დაიღუპა. მათი თქმით, შეწყდეს ცეცხლი და გაგრძელდეს ევაკუაცია უკრაინის კონტროლირებად ტერიტორიაზე.

"ყველა დაპირების მიუხედავად, ოკუპანტები აგრძელებენ აზოვსტალის დაბომბვას. აუცილებელია ცეცხლის შეწყვეტის დაწესება და ქარხნიდან ყველას ევაკუაცია", — ციტირებს აზოვის პოლკის ყოფილი მეთაურს უკრაინა 24.

30 აპრილს აზოვსტარლიდან მოსახლეობის ევაკუაცია დაიწყო. უკრაინის პრეზიდენტის, ვოლოდიმირ ზელენსკის განცხადებით, ტერიტორიიდან გაიყვანეს 100-მდე ადამიანი, თუმცა ქარხანაში კვლავ რჩებიან მშვიდობიანი მოქალაქეები და სამხედროები. ევაკუაციის შემდეგ ქარხანაზე თავდასხმა განახლდა.

გუშინ, 2 მაისს უკრაინის ეროვნული გვარდიის მე-12 ოპერატიული ბრიგადის მეთაურმა განაცხადა, რომ აზოვსტალის ფოლადის ქარხანაში 200-მდე ადამიანია დარჩენილი, მათ შორის 20 ბავშვია.

მარიუპოლი ომის დაწყების პირველივე დღეებიდან ალყაშია. რუსული დაბომბვების გამო განადგურებულია ქალაქის ინფრასტრუქტურა და დაღუპულია ათასობით მშვიდობიანი მოქალაქე. დიდი ხნის განმავლობაში, საოკუპაციო ძალები აბრკოლებდნენ მწვანე დერეფნების მუშაობას და ჰუმანიტარული ტვირთის შეტანას.