წითელი ჯვრის საერთაშორისო კომიტეტმა და გაეროს სპიკერმა დაადასტურეს, რომ მარიუპოლში მშვიდობიანი მოსახლეობის ევაკუაციის პროცესი მიმდინარეობს. Reuters წერს, რომ დღეს აზოვსტალის ქარხნიდან 50-ზე მეტი მშვიდობიანი მოქალაქე იქნა ევაკუირებული.

გუშინ, 30 აპრილს აზოვის პოლკის მეთაურის მოადგილემ, სვიატოსლავ პალამარიმ განაცხადა, რომ აზოვსტალიდან 20 მშვიდობიანი მოქალაქე გაიყვანეს წინასწარ შეთანხმებულ შეხვედრის ადგილამდე.

მარიუპოლი ომის დაწყების პირველივე დღეებიდან ალყაშია. რუსული დაბომბვების გამო განადგურებულია ქალაქის ინფრასტრუქტურა და დაღუპულია ათასობით მშვიდობიანი მოქალაქე. დიდი ხნის განმავლობაში, საოკუპაციო ძალები აბრკოლებდნენ მწვანე დერეფნების მუშაობას და ჰუმანიტარული ტვირთის შეტანას.