ლეგენდარულმა მომღერალმა და მსახიობმა, ბარბარა სტრეიზანდმა, ტრიბეკას კინოფესტივალზე ქალთა უფლებებსა და ჰოლივუდში გაბატონებულ სექსიზმზე ისაუბრა, რა დროსაც აღიარა, რომ სწორედ ამ გენდერული სტერეოტიპების დამსახურებაა, რომ ოსკარის უამრავი ნომინაცია მიიღო.

"ჰოლივუდში ძალიან ბევრი ასაკოვანი ადამიანია, რომლებსაც ქალი რეჟისორების ხილვა არ სურთ. სიმართლე გითხრათ, ამ ყველაფრის ფონზე, მეც არ ვიცი რამდენ ქალს აქვს რეჟისორობის სურვილი. ისიც მახსოვს, როდესაც ფილმებზე, რომლებშიც მე ვმონაწილეობდი და რეჟისორიც ვიყავი, სხვადასხვა კრიტიკას ვკითხულობდი, ქალები უფრო აგრესიულები იყვნენ ვიდრე მათი კაცი კოლეგები, ვგულისხმობ ფილმს Yentl, სადაც ჩემი პერსონაჟი მამაკაცის ტანსაცმელს იცვამს. კაცებისგან განსხვავებით არც ერთ ქალს არ გაუკეთებია აქცენტი, თუ რეალურად რა პრობლემები იყო ფილმში წარმოჩენილი. მახსოვს ამ მიდგომის გამო ძალიან დავითრგუნე. მაგრამ საბოლოოდ ხდებოდა ისე, რომ მამაკაცების ინდუსტრიამ, დიახ ჰოლივუდი დიდი ხნის განმავლობაში კაცების ინდუსტრია იყო და ვფიქრობ ეს დღესაც პრობლემაა, მე ოსკარის ბევრი ნომინაცია მომანიჭა, იმის გამო, რომ საკუთარი სექსიზმი დაეფარათ. ძალიან მინდა, რომ ბევრი ქალი რეჟისორი ვნახო კინოინდუსტრიაში", - ამბობს ბარბარა სტრეიზანდი.

აქვე, წაიკითხეთ ჩვენი სტატია:

სექსიზმი და გენდერული უთანასწორობა - პრობლემა, რომელიც ჰოლივუდშიც კი არსებობს