უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინელმა სამხედროებმა უკვე გაათავისუფლეს 934 დასახლება. მისივე ინფორმაციით, ადგილობრივმა თვითმმართველობამ 431 თემში უკვე დაიწყო მუშაობა.

"უკვე გათავისუფლებულია 934 დასახლებული პუნქტი, პოლიციამ მუშაობა 435 დასახლებაში განაახლა, ადგილობრივმა თვითმმართველობამ 431 თემში დაიწყო მუშაობა, ჰუმანიტარული შტაბის მუშაობა 361 დასახლებაში დაიწყო.

ჩვენ თანდათან ვუბრუნებთ ადამიანებს ხელმისაწვდომობას სამედიცინო და საგანმანათლებლო სერვისებზე, სოციალური დაცვის სააგენტოებზე, აღვადგენთ საგზაო კომუნიკაციას, ელექტროენერგიას, გაზს, წყალს", — ამბობს ის.

პრეზიდენტის თქმით, ოკუპანტების ნაღმები და აუფეთქებელი ჭურვები გათავისუფლებულ ტერიტორიებზე ყველაზე დიდ საფრთხედ რჩება. მან დაბრუნებულ მოქალაქეებს სთხოვა, არ შევიდნენ შეუმოწმებელ ტერიტორიაზე და საეჭვო ნივთების აღმოჩენისას აცნობონ პოლიციასა და მაშველებს.