რუსთავი მერის, ნინო ლაცაბიძის ინფორმაციით, რუსთავიდან თბილისში მუნიციპალური ავტობუსები დაინიშნა. მისივე თქმით, მგზავრობის ღირებულება სტანდარტულად 1,50 იქნება, ხოლო სტუდენტები შეღავათიანი ტარიფით, 50 თეთრად იმგზავრებენ.

ლაცაბიძის ცნობით, ავტობუსები რუსთავის გასასვლელიდან ისნის მეტრომდე მგზავრებს 20 წუთიანი ინტერვალით მოემსახურება. როგორც მერიაში On.ge-ს განუცხადეს, გადაწყვეტილება კერძო სატრანსპორტო კომპანია ინტერტრანსის მხრიდან მგზავრობის ღირებულის თვითნებურად გაზრას მოჰყვა.

რუსთავის მერის განცხადებით, გუშინ, 12 აპრილს ინტერტრანსის წარმომადგენლებს შეხვდა, სადაც მოისმინა ინფორმაცია, თუ რატომ გაიზარდა ტრანსპორტის ტარიფი მერიასთან შეუთანხმებლად. მისივე თქმით, დარღვეულია სახელშეკრულებლო პირობების რამდენიმე მუხლი, რის გამოც, კომპანია დააჯარიმეს.

"ჩვენ მათთან რა თქმა უნდა გავაგრძელებთ მუშაობას, რომ კომპრომისამდე მივიდეთ. მანამდე რუსთავი-თბილისის მიმართულებით იმოძრავებს კომფორტული, თანამედროვე და ევროპული სტანდარტების ავტობუსები", — ამბობს ის.