ამერიკელი რეჟისორი და სცენარისტი, ოსკარისა და ოქროს გლობუსის მფლობელი ფილმის La La Land ავტორი დემიენ შაზელი მუსიკალურ სერიალს გადაიღებს.

The Eddy ასე ერქმევა ახალ მუსიკალურ დრამას, რომელშიც მოქმედება პარიზში ხდება, მთავარი მოქმედი გმირები კი მუსიკალური ბენდის წევრები და ერთ-ერთი კლუბის მეპატრონე არიან. სერიალისთვის სცენარს ჯეკ ტორნი დაწერს, რომელმაც ცოტა ხნის წინ რ.ჯ პალაციოს წიგნის "საოცრების" მიხედვით კინოსცენარი დაწერა.

ჯერ-ჯერობით უცნობია რომელ არხზე გავა სერიალი, თუმცა თუ შაზელის წინა ფილმების წარმატებას გავითვალისწინებთ, სავარაუდოდ ნებისმიერი ტელევიზია სიამოვნებით დასთანხმდება მასთან მუშაობას.