ქართული ოცნების თავმჯდომარემ, ირაკლი კობახიძემ 9 აპრილს დაღუპულთა ხსოვნას პატივი მიაგო. მისი თქმით, დღევანდელი დღე შეგვახსენებს, რომ თავისუფლებას ყოველდღიური მოფრთხილება სჭირდება.

"რა თქმა უნდა, პირველ რიგში, ტრაგიკული დღეა, რომელიც ყველას გვახსოვს, რა თქმა უნდა, ძალიან მძიმედ. გარდა ამისა, ეს დღე ჩვენ შეგვახსენებს, თუ რამდენად ძვირფასია თავისუფლება და შეგვახსენებს იმას, რომ თავისუფლებას სჭირდება ყოველდღიური მოფრთხილება და ზრუნვა.

ჩვენი ვალია, სწორედ ამ გმირების წინაშე, მათი ხსნოვნის წინაშე, რომ მაქსიმალურად გავუფრთხილდეთ მათ მონაპოვარს, ეს არის ჩვენი ქვეყნის თავისუფლება და დამოუკიდებლობა", — თქვა მან.

1989 წლის 9 აპრილის ტრაგედიიდან 33 წელი გავიდა. 9 აპრილის ღამეს საბჭოთა ძალამ 21 ადამიანის სიცოცხლე შეიწირა.