ევროკომისიის პრეზიდენტის, ურსულა ფონ დერ ლაიენის განცხადრებით, ევაკუაციისთვის განკუთვნილ რკინიგზის სადგურზე სარაკეტო თავდასხმა შემაშფოთებელია. მისი თქმით, პირადად უსამძიმრებს უკრაინის პრეზიდენტს ვოლოდიმირ ზელენსკის.

"დღეს უკრაინაში მშვიდობიანი მოსახლეობის ევაკუაციისთვის განკუთვნილი რკინიგზის სადგურზე სარაკეტო თავდასხმა განხორციელდა, რაც შემაშფოთებელი იყო.

შეძრწუნებული ვარ სიცოცხლის დაკარგვით და პირადად ვუსამძიმრებ პრეზიდენტ ზელენსკის. ჩემი ფიქრები დაღუპულთა ოჯახებთანაა", — წერს ის.

დღეს, 8 აპრილს ლაიები და ბორელი კიევში მიდიან. გამგზავრებამდე მათ ტვიტერზე დაწერეს, რომ ელიან კევში ჩასვლას.

უკრაინის უსაფრთხოების სამსახურისა და ნაციონალური პოლიციის პირველადი მონაცემებით, რკინიგზის სადგურზე ოკუპანტების დაბომბვის შედეგად 39 ადამიანი დაიღუპა, მათ შორის 4 ბავშვია.

უკრაინა 24 დონეცკის პოლიციის უფროსზე დაყრდნობით წერს, რომ სადგურს ისკანდერიდან კასეტური ბომბებით გაუხსნეს ცეცხლი. უსაფრთხოების სამსახურმა უკვე აღძრა სისხლის სამართლის საქმე ომის კანონებისა და წესების დარღვევაზე.

რუსეთი რკინიგზის სადგურზე თავდასხმას უარყოფს და ამასაც უკრაინას აბრალებს. დაბომბვიდან მალევე ეს პროპაგანდისტული მესიჯები გავრცელდა კრემლის მედიების, TASS-ისა და RIA-ს ტელეგრამებზე.

ამავე თემაზე: