შემაძრწუნებელია რუსეთის თავდასხმა სადგურზე, საიდანაც ევაკუაცია მიმდინარეობდა

ევროპული საბჭოს პრეზიდენტის, შარლ მიშელის განცხადებით, შემაძრწუნებელია თავდასხმა, რკინიგზის სადგურზე, საიდანაც ევაკუაცია მიმდინარეობდა. მისი თქმით, საჭიროა მეტი სანქციები და მეტი იარაღის გაგზავნა უკრაინისთვის.

"შემაძრწუნებელია რუსეთის თავდასხმა ერთ-ერთ მთავარ სადგურზე, საიდანაც ევაკუაცია მიმდინარეობდა. რეგიონში, სადაც რუსეთი აძლიერებს თავდასხმას. საჭიროა ქმედება: მეტი სანქციები რუსეთზე და მეტი იარაღი უკრაინისთვი", — წერს მიშელი.

Horrifying to see Russia strike one of the main stations used by civilians evacuating the region where Russia is stepping up its attack.

Action is needed: more sanctions on Russia and more weapons to #Ukraine are under way from the EU. 5th package of EU sanctions just approved.
— Charles Michel (@eucopresident) April 8, 2022

ოკუპანტებმა დაბომბეს დონეცკის ოლქში, კრამატორსკის რკინიგზის სადგური, საიდანაც ევაკუაცია მიმდინარეობდა. უკრაინა აცხადებს, რომ სადგურს ისკანდერიდან კასეტური ბომბებით გაუხსნეს ცეცხლი, რის შედეგადაც ათეულობით ადამიანი დაიღუპა. უკრაინის პრეზიდენტის, ვოლოდიმირ ზელენსკის განცხადებით, დაიღუპა 30-ზე მეტი ადამიანი, 100-მდე კი დაშავდა.