აშშ-ს სჯერა, რომ იმ რუსული დანაყოფების იდენტიფიცირებას შეძლებს, რომლებმაც უკრაინის ქალაქ ბუჩაში სასტიკი დანაშაულები ჩაიდინეს. ამის შესახებ ინფორმაციას CNN ოფიციალურ პირზე დაყრდნობით ავრცელებს.

მედიის წყარო აცხადებს, რომ ახლა აშშ-ს დაზვერვისთვის მათი იდენტიფიცირება "უკიდურესად პრიორიტეტულია". მისი თქმით, მას შემდეგ, რაც ბუჩაში მომხდარი დანაშაულებების შესახებ გახდა ცნობილი, დაზვერვა აგროვებს და აანალიზებს ყველა ინფორმაციას.

კიევის ოლქი რუსი ოკუპანტებისგან 2 აპრილს გათავისუფლდა. ირპენმა, ბუჩამ, გოსტომელმა და სხვა ქალაქებმა, სადაც უკრაინის ჯარები შევიდნენ, მსოფლიოს ხელახალი გამოღვიძება აიძულა.

მედიაში გავრცელდა ფოტოები ბუჩას ქუჩებიდან, რომელიც სავსეა ცხედრებით — მათ ნაწილს ხელები აქვს შეკრული, ნაწილის გვერდით ველოსიპედები ყრია, ნაწილი კი, მინიმუმ, სამი კვირის წინ მაინც არის მოკლული.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში