ვიდრე კარიბის ზღვის მეკობრეებს ფილმად გადაიღებდნენ, ამ სამყაროში მოგზაურობა დისნეილენდის ატრაქციონით იყო შესაძლებელი.

გასართობი პარკის სტუმრები ნავებში სხდებიან და კარიბის კუნძულების პატარა ქალაქებსა და სოფლებს სტუმრობენ, ბოლოს კი იმიტირებულ გაშლილ ზღვაში გადიან და კაპიტანი ჯეკ ბეღურასა და კაპიტანი ბარბოსას ბრძოლას უყურებენ.

სწორედ ამ ატრაქციონის სტუმრების ერთ-ერთ ნაკადს გაუმართლა და ნავებით სეირნობისას ერთ-ერთ კარიბულ ქალაქში ნამდვილი ჯონი დეპი დახვდათ.

მსახიობი თავისი გმირის ფორმაშია გამოწყობილი და სტუმრებს ნავიდან გადახტომისკენ მოუწოდებს. თუ ხალხის რეაქციებით ვიმსჯელებთ, ჯონი ან ვერ იცნეს ან არ დაიჯერეს, რომ ის ნამდვილად იქ იდგა. საქმე ისაა, რომ ამ ატრაქციონზე სხვა პერსონაჟების რეალისტური და მოლაპარაკე თოჯინები მრავლად არიან.