ოსკაროსანი ამერიკელი კინორეჟისორი, კრავთა დუმილის, ფილადელფიისა და სხვა არაერთი პოპულარული ფილმის რეჟისორი, ჯონათან დემი, დღეს, 26 აპრილს გარდაიცვალა.

73 წლის რეჟისორის გარდაცვალების მიზეზი გულის დაავადება და სიმსივნე გახდა, რომელსაც ის 2010 წლიდან ებრძოდა, ბოლო კვირების განმავლობაში კი მისი მდგომარეობა დამძიმდა.

ჯონათანის კარიერა საოცრად მრავალფეროვანი და შემოქმედებითია,რომელიც არაერთ საინტერესო მხატვრულ და დოკუმენტურ ფილმს აერთიანებს.

მისი ბოლო ნამუშევარი Ricki and the Flash, სადაც მთავარ როლს მერილ სტრიპი თამაშობს, ეკრანზე 2015 წელს გამოვიდა.