ცნობილი გახდა, რომ ჯანმრთელობის მდგომარეობის გაუარესების გამო ბრიუს უილისი სამსახიობო კარიერას ასრულებს: ამერიკელ მსახიობს აფაზიის დიაგნოზი დაუსვეს, რომელიც მეტყველების უნარის დაქვეითებას იწვევს.

ბრიუს უილისმა კარიერა 1980-იან წლებში დაიწყო და ათწლეულების განმავლობაში არაერთ ცნობილ ფილმში ითამაშა, რომლებშიც საკულტო პერსონაჟები შექმნა — მის მიერ განსახიერებული გმირების თავგადასავლები დღემდე გრძელდება მილიონობით მაყურებლის გულებში.

მას განსაკუთრებული წარმატება 1988 წელს ფილმში Die Hard შესრულებულმა ჯონ მაკკლეინის როლმა მოუტანა, თუმცა მხოლოდ ეს არ იყო: ის გახდა კვენტინ ტარანტინოს მუზა ფილმში Pulp Fiction და უეს ანდერსონის შთაგონება Moonrise Kingdom-ისთვის. მან გვაჩუქა მეხუტე ელემენტი, რომლის მეასედ ყურებაც კი არ ჰბეზრდება არცერთი ასაკის მაყურებელს.

სიტყვა კიდევ უფრო რომ არ გაგვიგრძელდეს, ფოტოებით გავიხსენოთ მისი ყველაზე დასამახსოვრებელი როლები:

1. Moonlighting (1985-1989) — სიბილ შეფერდი და ბრიუს უილისი

ფოტო: ABC/Courtesy Everett Collection

2. Die Hard (კერკეტი კაკალი) — 1988 წლის ფილმი, რომელიც სამუდამოდ უილისის სახელთან იქნება დაკავშირებული

ფოტო: 20thCentFox/Courtesy Everett Collection

3. Death Becomes Her (1992) — უილისმა კარიერის განმავლობაში მრავალ ჟანრში მოსინჯა თავისი შესაძლებლობები, მათ შორის კომედიაშიც

ფოტო: Universal/Courtesy Everett Collection

4. უილისი კვენტინ ტარანტინოს 1994 წლის საკულტო ფილმში Pulp Fiction (მაკულატურა)

ფოტო: Miramax/Courtesy Everett Collection

5. მან ითამაშა კერკეტი კაკალის სხვა ნაწილშიც, სახელად Die Hard: With a Vengeance

ფოტო: 20thCentFox/Courtesy Everett Collection

6. ბრიუსი მონაწილეობდა 1995 წლის გახმაურებულ ფილმში თორმეტი მაიმუნი

ფოტო: Universal/courtesy Everett Collection

7. 1997 წელს გამოვიდა მეხუთე ელემენტი, რომელიც ქართველ მაყურებელს, ალბათ, მისი ფილმებიდან მაინც ყველაზე მეტად უყვარს

ფოტო: Columbia Pictures/Courtesy Everett Collection

8. ბრიუსმა ასტრონავტის როლიც მოირგო 1998 წლის ფილმში არმაგედონი

ფოტო: Touchstone /Courtesy Everett Collection

9. 1998 წლის ფილმში მეექვსე გრძნობა ბავშვთა ფსიქოლოგის როლი ითამაშა

ფოტო: Buena Vista Pictures/Courtesy Everett Collection

10. 2000 წელს გამოვიდა ფილმი Unbreakable (უდრეკი)

ფოტო: Buena Vista Pictures/Courtesy Everett Collection

11. ბრიუს უილისმა მაიკლ მედსენთან ერთად ითამაშა ფილმში Sin City (ცოდვილთა ქალაქი)

ფოტო: Dimension Films/Courtesy Everett Collection

12. 2007 წელს უილისი გამოჩნდა ფილმში Planet Terror (პლანეტა ტერორი)

ფოტო: Weinstein Company/Courtesy Everett Collection

13. უეს ანდერსონის საკულტო ფილმში Moonrise Kingdom (ამომავალი მთვარის სამეფო)

ფოტო: Niko Tavernise/Focus Features/Courtesy Everett Collection

14. უილისმა ითამაშა ჯოზეფ გორდონ-ლევიტის პერსონაჟის უფროსი ვერსია 2012 წლის სამეცნიერო ფანტასტიკაში Looper (მარყუჟი)

ფოტო: Rian Johnson

15. სამწუხაროდ, ბოლო წლებში უილისი ძირითადად მხოლოდ ფინანსურად მომგებიან პროექტებში იღებდა მონაწილეობას და შესაბამისად, მისი უკანასკნელი როლები დიდად დასამახსოვრებელი არაა. მისი ერთ-ერთი ბოლო ყველაზე ცნობილი ფილმი 2019 წლის Glass (შუშა) გამოდგა

ფოტო: Jessica Kourkounis / Universal /courtesy Everett Collection