თურქეთის პრეზიდენტმა რეჯეპ ტაიპ ერდოღანმა თურქეთის მოსახლეობას, განსაკუთრებით კი "განათლებულ ქალებს" მოუწოდა, არ გამოიყენონ კონტრაცეპტივები და არ აკონტროლონ შობადობა. ამის შესახებ ინფორმაციას BBC ავრცელებს.

ტელეარხის ცნობით, ერდოღანმა თქვა, რომ არცერთი მუსლიმი ოჯახი არ უნდა აკონტროლებდეს შვილების რაოდენობას და მან ხალხს ერის გამრავლების გაგრძელებისკენ მოუწოდა.

ერდოღანი თურქეთის პრეზიდენტი გახდა 2014 წელს, მანამდე კი 12 წელი ქვეყნის პრემიერმინისტრის პოსტზე მუშაობდა, რა დროსაც ძალაუფლება მთლიანად მის ხელში იყო თავმოყრილი. მას შემდეგ, რაც ძალაუფლება პრეზიდენტის ხელში გადავიდა, ერდოღანმა პოსტი შეიცვალა და ახალი ამპლუა მოირგო.

ცნობილი ფაქტია, რომ ერდოღანის პარტიის წევრების დიდი ნაწილი კონსერვატორი მუსლიმია, რომლებიც მხარს უჭერენ თურქეთის სეკულარულ საზოგადოებაში რელიგიის როლის გაძლიერებას.