სპორტისა და ახალგაზრდობის საქმეთა სამინისტროს ცნობით, პირველად ქართული სპორტის ისტორიაში, მოფარიკავეთა ნაკრებმა ევროპის ჩემპიონის ტიტული მოიპოვა.

23-წლამდელთა შორის ხმლით ფარიკაობის ფინალში, საქართველოს ნაკრებმა იტალია 45:36 დაამარცხა.

ფოტო: სპორტისა და ახალგაზრდობის საქმეთა სამინისტრო

ბელარუსის დედაქალაქ მინსკში მიმდინარე ევროპის ახალგაზრდული პირველობის 1/2 ფინალში ქართველმა მოფარიკავეებმა რუსეთის 23-წლამდელთა ნაკრები 45:41 დაამარცხეს და ზედიზედ მეორედ შეძლეს ფინალში გასვლა.

რუსეთის დამარცხებამდე, ქართველმა მოფარიკავეებმა ბულგარეთს 45:34 და რუმინეთს 45:31 მოუგეს.

საქართველოს 23-წლამდელთა ნაკრების შემადგენლობაში არიან მიხეილ მარდალეიშვილი, საბა სულამანიძე, ნიკა შენგელია და ვაჟა რეჭია.