უკრაინის გენერალური პროკურატურის ინფორმაციით, რუსეთის შეჭრის შედეგად 117 ბავშვი დაიღუპა, 155-ზე მეტი კი დაშავდა. პროკურატურამ ინფორმაცია ამის შესახებ ფეისბუქგვერდზე გაავრცელა.

ყველაზე მეტი ბავშვი დაშავდა კიევის ოლქში — 58, ხარკოვში — 40, დონეცკში — 31, ჩერნიგოვში — 31, ხოლო მიკოლაევში — 22, მიკოლაივში — 24, კიევში — 16, ჟიტომირში — 15, ხერსონში — 15 და სუმის ოლქში — 14.

პროკურატურის განცხადებით, ხარკოვის ოლქში რუსულმა ტანკმა დაცხრილა მანქანა, რომელშიც იყვნენ მშობლები ორ შვილითან ერთად. მათივე თქმით, ისინი ყვიროდნენ, რომ მშვიდობიანი მოქალაქეები იყვნენ, თეთრ დროშას აფრიალებდნენ, მაგრამ ამაოდ. დაიღუპნენ მშობლები და 9 წლის გოგო, დაშავდა 17 წლის ბიჭი.

როგორც უწყებაში ამბობენ, ნიკოლაევში, ერთ-ერთ უბანში დაბომბვისას დაინგრა სახლები, სადაც 3 ადამიანის დამწვარი ცხედარი იპოვეს, რომელთა შორის 7 წლის ბავშვია. გარდა ამისა, 21 მარტს ოკუპანტებმა მარიუპოლიდან მიმავალი ბავშვების საევაკუაციო ავტობუსები დაცხრილეს — ოთხი ბავშვი საავადმყოფოში გადაიყვანეს. ასევე, 3 ბავშვი მოხვდა სროლაში ზაპოროჟიეში, ორი მათგანის მდგომარეობა მძიმეა.

პროკურატურის ცნობითვე, რუსეთის შეიარაღებულმა ძალებმა 548 საგანმანათლებლო დაწესებულება დაბომბეს, მათგან 72 მთლიანად განადგურდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში