პრემიერმინისტრმა ირაკლი ღარიბაშვილის განცხადებით, როცა მიეცა საშუალება, მაშინ გამოხატა პოზიცია უკრაინაში დაღუპულ მებრძოლებთან დაკავშირებით. ასე უპასუხა პრემიერმინისტრმა ჟურნალისტის კითხვას, რატომ არ გამოეხმაურა ამ ფაქტს 4 დღის განმავლობაში.

"დღეს გამოვჩნდი საზოგადოებასთან და როცა მომეცა საშუალება მაშინ გამოვხატე ჩემი პოზიცია", — თქვა მან.

ღარიბაშვილმა მიუსამძიმრა გარდაცვლილის ოჯახებს და თქვა, რომ სახელმწიფომ ყველაფერი გააკეთა, რათა ისინი საქართველოში გადმოასვენონ.

"ჩემი სამძიმარი ჩვენი, საქართველოს მოქალაქეების ოჯახებს. 3 ყოფილი სამხედრო გარდაიცვალა ამ ომის დროს. ისინი იბრძოდნენ ჩემი ინფორმაციით, ჯერ კიდევ აფხაზეთის ომში ერთი მათგანი და ასევე აგვისტოს ომში. რა თქმა უნდა, სახელმწიფომ ყველაფერი გააკეთა იმისთვის, რომ მოხდეს მათი გადმოსვენება საქართველოში დაბრუნება და რა თქმა უნდა, მათ ოჯახებს ვუცხადებ სამძიმარს", — ამბობს ის.

ჟურნალისტმა ღარიბაშვილს ასევე კითხა, იგეგმება, თუ არა გარდაცვლილთათვის გმირის წოდების მინიჭება. პრემიერმინისტრის თქმით, ასეთ საკითხებს შესაბამისი სამსახურები განიხილავენ და მსგავსი საკითხებით სპეკულირება არ ღირს.

უკრაინაში 3 ქართველი მებრძოლი დაიღუპა. გია ბერიაშვილი და დავით რატიანი 18 მარტს დაიღუპნენ, 19 მარტს კი ბახვა ჩიქობავანის გარდაცვალებაზე გავრცელდა ინფორმაცია. პარლამენტის თავმჯდომარე შალვა პაპუაშვილმა და თბილისის მერმა კახა კალაძემ აქამდე გამოხატეს სამძიმარი.

პაპუაშვილმ დაპოსტა, რომ რუსეთის აგრესიას უკრაინაში უკვე შეეწირა 3 მებრძოლი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში