კიევის ოლქში, ნოვიე პეტრივციზე ოკუპანტებმა დასახლებულ პუნტქში ცეცხლი გახსნეს, რასაც 2 წლის ბავშვი ემსხვერპლა. ადგილობრივი პოლიციის ინფორმაციით, არიან დაჭრილები, 4-მა ადამიანმა მრავლობითი დაზიანება მიიღო.

"17 მარტს ოკუპანტები მძიმე არტილერიიდან ესროდნენ საცხოვრებელ კორპუსებს ვიშგოროდის რაიონში. დაბომბვის შედეგად დაინგრა მაღალსართულიანი შენობა, დაზიანდა მეზობელი საცხოვრებელი კორპუსები", — აცხადებენ პოლიციაში.

უკრაინსკაია პრავდას ინფორმაციით, სწორედ ამ სოფელში მდებარეობს გაქცეული ექს-პრეზიდენტის, ვიქტორ იანუკოვიჩის ყოფილი რეზიდენცია. მანამდე უკრაინულ მედიაში გავრცელდა ინფორმაცია, რომ ადგილობრივები რეზიდენციის სარდაფებს თავშესაფრებად იყენებენ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში