უკრაინელმა სპორტსმენებმა 2022 წლის ზამთრის პარაოლიმპიურ თამაშებზე 29 მედალი მოიპოვეს, რაც მათი ქვეყნისთვის რეკორდული მაჩვენებელია. გარდა ამისა, უკრაინა მედლების რაოდენობით მე-2 ადგილზე გავიდა და მას მხოლოდ ჩინეთმა აჯობა. უკრაინელებმა 11 ოქროს, 10 ვერცხლის და 8 ბრინჯაოს მედალი მოიპოვეს.

უკრაინელი მოთხილამურის, დმიტრო სუიარკოს, თქმით, სამშობლოში არსებული არეულობის ფონზე შეჯიბრზე ფოკუსირება ძალიან რთული იყო. "ბიათლონში ძალიან დიდი კონცენტრაციაა საჭირო, მე კიდევ ჩემს სახლზე ვფიქრობდი, რომელიც დაბომბეს და განადგურდა", — ამბობს სუიარკო. ასეთი ფსიქოლოგიური მდგომარეობის მიუხედავად, სუიარკომ თხილამურებით სრიალში ერთი ოქროს და ერთი ბრინჯაოს მედალი აიღო, ხოლო ბიათლონში — 3 ბრინჯაო.

ფოტო: Getty Images

თამაშის დაწყებამდე მიმდინარე კონფლიქტის ფონზე არსებობდა გარკვეული სკეპტიციზმი იმის შესახებ, უკრაინა შეძლებდა თუ არა თამაშს. უკრაინელ სპორტსმენებს ბევრი წინააღმდეგობა შეხვდათ და მათი გუნდი ბოლო იყო, რომელიც ოლიმპიადაზე ჩავიდა.

უკრაინის პარაოლიმპიური დელეგაციის პრეზიდენტმა, ვალერი სუშკევიჩმა, ჟურნალისტებს განუცხადა, რომ უკრაინის ოლიმპიადაზე ჩასვლა თავისთავად იყო "სასწაული", რადგან გზა საკმაოდ რთული აღმოჩნდა. "პარაოლიმპიადაზე ჩვენი ყოფნა იმის ნიშანია, რომ უკრაინა არის და კვლავ ქვეყნად რჩება", — განაცხადა სუშკევიჩმა.