ვოლოდიმირ ზელენსკი ოლაფ შოლცსა და ემანუელ მაკრონს ტელეფონით ესაუბრა. უკრაინის პრეზიდენტი პარტნიორებს მელიტოპოლის მერის გათავისუფლებაში დახმარებას სთხოვს. ამის შესახებ მან Twitter-ზე დაწერა.

"ვესაუბრე ოლაფ შოლცსა და ემანუელ მაკრონს. ჩვენ განვიხილეთ აგრესორის წინააღმდეგ ბრძოლა, რუსეთის ფედერაციის დანაშაულებები მშვიდობიანი მოქალაქეების წინააღმდეგ. მე ვთხოვ ჩემს პარტნიორებს, რომ მელიტოპოლის დატყვევებული მერის გათავისუფლებაში დაგვეხმარონ. ასევე, განვიხილეთ სამშვიდობო მოლაპარაკებების პერსპექტივები. ჩვენ აგრესორი ერთად უნდა შევაჩეროთ", — წერს ის.

დღეს სატელეფონო საუბარი გაიმართა გერმანია-საფრანგეთის ლიდერებსა და რუსეთის პრეზიდენტს შორისაც. როგორც საერთაშორისო მედია წერს, ემანუელ მაკრონმა და ოლაფ შოლცმა ვლადიმერ პუტინს ცეცხლის დაუყოვნებლივ შეწყვეტისკენ მოუწოდეს და ოკუპანტი სახელმწიფოს პრეზიდენტს უთხრეს, რომ "კონფლიქტის დიპლომატიური გადაწყვეტისკენ გადავიდეს".

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში