უკრაინის პრეზიდენტის, ვოლოდიმირ ზელენსკის მრჩეველი მიხაილო პოდოლიაკი მიიჩნევს, რომ ომის დაწყებიდან დღემდე ზელენსკის მკვლელობის მცდელობის 10-ზე მეტი შემთხვევა იყო. ადგილობრივი გამოცემა უკრაინსკაია პრავდა წერს, რომ ამის შესახებ პოდოლიაკმა მათთან ინტერვიუში განაცხადა.

"ჩვენი უცხოელი პარტნიორები საუბრობენ ორ-სამ მცდელობაზე. მივიჩნევ, რომ ასეთი მცდელობა ათზე მეტი იყო. ჩვენ მუდმივად გვაქვს ინფორმაცია, რომ დივერსიული სადაზვერვო ჯგუფები ცდილობენ, სამთავრობო კვარტალში შევიდნენ", — ამბობს ის.

პოდოლიაკის თქმით, ძლიერი დაზვერვა აქვთ და აკონტროლებენ მსგავს ჯგუფებს. ის ასევე აღნიშნავს, რომ რისკები ჯერ ისევ არის, თუმცა უსაფრთხოებიდან გამომდინარე დეტალებზე საუბარი არ შეუძლია. მისი თქმით, დასავლური დაზვერვა სიმართლეს ამბობს, რომ პუტინის პირველი სამიზნე არის ზელენსკი.

4 მარტს The Times-მა დაწერა, რომ ომის დაწყებიდან ზელენსკის მკვლელობის 3 მცდელობა იყო. გამოცემა, წერდა, რომ უკრაინის პრეზიდენტის მოსაკლავად უკრაინაში კრემლის მიერ დაქირავებული ვაგნერის ჯგუფი და ჩეჩნეთის სპეცრაზმი გაიგზავნა.

ჰუმანიტარული დერეფნებით მოსახლეობის ევაკუაცია რამდენჯერმე შეწყდა. ამის მიზეზი რუსეთის მხრიდან ცეცხლის გახსნა იყო.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში