არასამთავრობო ორგანიზაციები ერთობლივ განცხადებას ავრცელებენ და ამბობენ, რომ მიესალმებიან ევროკავშირის წევრობის განაცხადის შეტანას. NGO-ებს მიაჩნიათ, რომ ეს ნაბიჯი საქართველოს მოქალაქეების ევროკავშირში ინტეგრაციის ურყევი სურვილისა და ისტორიული არჩევანის გამოხატულებაა

"იმედი გვაქვს, რომ ამ ნაბიჯს მოჰყვება სერიოზული ძალისხმევა მთავრობის და მთლიანად პოლიტიკური სპექტრის მხრიდან, საქართველოს ევროკავშირში გაწევრიანების პროცესის დასაჩქარებლად, პირველ ეტაპზე კი კანდიდატის სტატუსის მისაღებად.

დღეს, როდესაც რუსეთის ფედერაციის სამხედრო აგრესიამ უკრაინაში შეცვალა მსოფლიო პოლიტიკური დღის წესრიგი, ევროპის კონტინენტის კონსოლიდაციის ახალი შესაძლებლობები გაჩნდა. ამ პირობებში, როგორც არასდროს, მნიშვნელოვანია საქართველოს ევროპული ღირებულებების ერთგულების კიდევ ერთხელ ცხადად დადასტურება", — ვკითხულობთ განცხადებაში.

არასამთავრობო ორაგნიზაციები მოუწოდებენ ხელისუფლებას და სრულად პოლიტიკურ სპექტრს, კიდევ ერთხელ დაადასტურონ შარლ მიშელის დოკუმენტის, ვროკავშირთან ასოცირების დღის წესრიგისა და ასოცირების ხელშეკრულებით ნაკისრი ვალდებულებების მნიშვნელობა და მზადყოფნა, კონკრეტული და ქმედითი ნაბიჯების გადასადგმელად.

ხელმომწერი ორგანიზაციები:

  • საქართველოს რეფორმების ასოციაცია (GRASS);
  • ფონდი ღია საზოგადოება-საქართველო (OSGF);
  • დემოკრატიის კვლევის ინსტიტუტი (DRI);
  • საქართველოს დემოკრატიული ინიციატივა (GDI);
  • საერთაშორისო გამჭვირვალო — საქართველო;
  • მმართველობის მონიტორინგის ცენტრი (GMC);
  • დემოკრატიისა და უსაფრთხო განვითარების ინსტიტუტი (IDSD);
  • ევროპულ-ქართული ინსტიტუტი (EGI);
  • ადამიანის უფლებათა ცენტრი (HRC);
  • სამართლიანი არჩევნებისა და დემოკრატიის საერთაშორისო საზოგადოება (ISFED);
  • საქართველოს ატლანტიკური საბჭო;
  • საფარი;
  • მედიის განვითარების ფონდი (MDF);
  • საქართველოს სტრატეგიისა და საერთაშორისო ურთიერთობების კვლევის ფონდი (GFSIS);
  • კვლევითი ჟურნალისტიკის და ეკონომიკური ანალიზის ცენტრი;
  • მსოფლიო გამოცდილება საქართველოსთვის (WEG);
  • ეკონომიკური პოლიტიკის კვლევის ცენტრი (EPRC);
  • უფლებები საქართველო;
  • საქართველოს სტრატეგიული კვლევების ინსტიტუტი (GISS);
  • სამოქალაქო იდეა;
  • ღია სივრცე კავკასია;
  • წამების მსხვერპლთა ფსიქოსოციალური და სამედიცინო რეაბილიტაციის ცენტრი (GCRT);
  • სოციალური სამართლიანობის ცენტრი;
  • ლიბერალური აკადემია;
  • სამოქალაქო მოძრაობა სირცხვილია;
  • ევროპის ფონდი;
  • საქართველოს სტრატეგიული ანალიზის ცენტრი (GSAC).

3 მარტს პრემიერმინისტრმა, ირაკლი ღარიბაშვილმა ევროკავშირში გაწევრიანების მოთხოვნის დოკუმენტს ხელი მოაწერა. მისი თქმით, საქართველო დღეს ისე, როგორც არასდროს, ახლოს არის ევროკავშირთან.