22 წლის დიმიტრი ზაალიშვილი, საკუთარ თავს თავისუფალ არტისტს უწოდებს, ხატვით ის ბავშვობიდან არის დაინტერესებული. თავისი პირველ და სერიოზულ პროექტში გადაწყვიტა ქართული რეალობა აესახა და ნამუშევრებში, შეძლებისდაგვარად, ამ რეალობის მიმართ საკუთარი პოზიციაც დაეფიქსირებინა.

დიმიტრის შემოქმედება ერთგვარი სარკაზმით, სითამამითა და პირდაპირობით არის გაჯერებული, ის ცდილობს რეალობა გააშიშვლოს და ზუსტად ისეთი დაგვანახოს, როგორიც არის.

"По-братски"

ფოტო: დიმიტრი ზაალიშვილი

ნამუშევარი ასახავს იმ ჰომოსექსუალი ადამიანების ურთიერთობას, რომელსაც გამუდმებით თან ახლავს თვითგვემა და სირცხვილის განცდა.

ნარცისიზმი

ფოტო: დიმიტრი ზაალიშვილი

თავისივე სხეულით შეპყრობილი ადამიანები რომლებსაც ყველაზე დიდი ლტოლვა სწორედ საკუთარი თავის მიმართ აქვთ.

სექსი ქორწინებამდე

ფოტო: დიმიტრი ზაალიშვილი

საქართველოში ჯერ კიდევ არსებობს პირველი ღამის ტრადიცია. ადამიანების ნაწილი კი ქორწინებამდე ყოველგვარ სექსუალურ კავშირს გაურბიან ან სხვებს აკრიტიკებენ ამის გამო.

სიამაყე

ფოტო: დიმიტრი ზაალიშვილი

სიამაყესა და გადაჭარბებულ პრინციპულობაზე დამყარებული ურთიერთობა, რომელიც უცხო თვალისათვის ლამაზად არის შეფუთული.

აი ია

ფოტო: დიმიტრი ზაალიშვილი

სპილოდ ქცეული "აი ია" ანუ სექსუალური გაუნათლებლობის პრობლემა საზოგადოებაში.

კითხვაზე თუ როგორ აღიქვამს საზოგადოება მის შემოქმედებას, დიმიტრი პასუხობს რომ, "საზოგადოების დამოკიდებულება ნორმალურია, უმრავლესობამ მოიწონა, თუმცა ჩანაფიქრს ყველა ვერ აღიქვამს. ამიტომ გადავწყვიტე მოკლედ აღმეწერა პროექტის შინაარსი და სათქმელი, დანარჩენი კი მნახველს მივანდე რომ დაკვირვებოდა და ეფიქრა მათზე."