უკრაინაში ელიან, რომ გავრცელდება ვოლოდიმირ ზელენსკის ყალბი, DeepFake ტექნოლოგიით დამუშავებული ვიდეო, რომელშიც კაპიტულაციაზე ილაპარაკებს. ინფორმაციას ამის შესახებ რამდენიმე სახელმწიფო უწყება, სახმელეთო და საჰაერო ძალები და სტრატეგიული კომუნიკაციებისა და ინფორმაციის უსაფრთხოების ცენტრი ავრცელებს.

"წარმოიდგინეთ, უყურებთ ვოლოდიმირ ზელენსკის ტელევიზორში, რომელიც აცხადებს კაპიტულაციაზე. თქვენ ხედავთ, გესმით — შესაბამისად, ეს სიმართლეა. მაგრამ ეს არ არის! ეს არის DeepFake ტექნოლოგია.

ეს არ იქნება რეალური ვიდეო, არამედ შექმნილია სპეციალური ალგორითმების მეშვეობით. ასეთი ტექნოლოგიების გამოყენებით დამზადებული ვიდეოების რეალურისგან გარჩევა თითქმის შეუძლებელია. იცოდეთ, რომ ყალბია! მისი მიზანია დეზორიენტაცია, პანიკის დათესვა, მოქალაქეების დარწმუნება და ჩვენი ჯარები დანებდნენ. დარწმუნებული იყავით — უკრაინა კაპიტულაციას არ აპირებს!

რუსეთს მხოლოდ ყალბი გამარჯვება შეუძლია, დახურონ თავისთან ინტერნეტი და ყველა კონტაქტი დანარჩენ სამყაროსთან", — წერია განცხადებაში.

დიფფეიქები ხელოვნური ინტელექტის ცოდნას იმისთვის იყენებენ, რომ გამოგონილი მოვლენების ამსახველი კონტენტი შექმნან. დიფფეიქის ამოცნობა ტექნოლოგიების დახვეწასთან ერთად ეს სულ უფრო და უფრო რთული ხდება.

რუსეთის იეყენებს ყველა მექანიზმს ჰიბრიდული ომის წარსამართად და აქტიურად ავრცელებს პროპაგანდას, თავისი სატელიტების მეშვეობით. მეტიც, ცდილობს შეზღუდოს ინფორმაციის ალტერნატიული წყარო. მაგალითად, გუშინ, 2 კრიტიკული უკრაინული მედიის ვებგვერდი დაბლოკა იმ მოტივით, რომ რუსეთში ომს ომს უწოდებენ და არა "ოპერაციას'.

გაიგეთ მეტი: რატომ არის რთული Deepfake-თან დაკავშირებით წესების შემოღება