რუსეთის მხრიდან უკრაინაში შეჭრიდან დღემდე ლარი დოლართან 20,82 თეთრით, ხოლო ევროსთან 17,9 თეთრით გაუფასურდა. აღსანიშნავია, რომ 25 მარტიდან მოყოლებული ლარი დოლართან და ევროსთან მიმართებით ყოველდღიურად უფასურდება.

ბოლო ერთ დღეში ეროვნული ვალუტა დოლართან მიმართებით 1,9 თეთრით გაუფასურდა და ერთი დოლარის ღირებულება 3,2244 ლარს გაუტოლდა.

რაც შეეხება ევროს, დღევანდელი ვაჭრობის შედეგად, ლარი ამ ვალუტასთან 1,8 თეთრით გაუფასურდა და ერთი ევრო 3,6039 ლარი გახდა.

სებ-ის მიერ დღეს დადგენილი გაცვლითი კურსი ხვალ, 2 მარტს შევა ძალაში.

თიბისი კაპიტალის კვლევის მიხედვით, კონფლიქტის დროული გადაწყვეტის შემთხვევაში, ლარი დოლართან 5%-ით, დაახლოებით 3,15-იან ნიშნულამდე გაუფასურდება. იმავე კვლევის მიხედვით, კონფლიქტის დაგვიანებით გადაწყვეტის შემთხვევაში, ეროვნული ვალუტა დოლართან მიმართებით დაახლოებით 3,5-იან ნიშნულამდე გაუფასურდება.